Wednesday, January 19

മോഹൻലാലിന് കാലിക്കറ്റ് സർവകലാശാലയുടെ ഡോക്ടറേറ്റ്; ഡോക്ടറേറ്റ് ലഭിക്കുന്നത് രണ്ടാം തവണ..!

Google+ Pinterest LinkedIn Tumblr +
Want create site? Find Free WordPress Themes and plugins.

ഇന്ത്യൻ സിനിമയിലെ എക്കാലത്തെയും മികച നടനായ, മലയാള സിനിമയുടെ പുണ്യമായ മോഹൻലാലിന് വിശേഷണങ്ങൾ ഏറെ ആണ്. ലെഫ്റ്റനന്റ് കേണൽ പദവി മുതൽ ബ്ലാക്കബെൽറ്റ് വരെ നേടിയിട്ടുള്ള അദ്ദേഹത്തിന് ആദ്യമായി ഡോക്ടറേറ്റ് നൽകി ആദരിച്ചത് ഇന്ത്യയിലെ ഏറ്റവും പ്രശസ്തമായ സംസ്‌കൃത യൂണിവേഴ്സിറ്റികളിൽ ഒന്നായ കാലടി ശ്രീ ശങ്കരാചാര്യ സംസ്‌കൃത യൂണിവേഴ്സിറ്റിയാണ്.

അന്തരിച്ചു പോയ നാടക- സംസ്‌കൃതാചാര്യനായ കാവാലം നാരായണ പണിക്കർ രചിച്ച കർണ്ണഭാരം എന്ന സംസ്‌കൃത നാടകത്തിൽ കർണ്ണൻ എന്ന കേന്ദ്ര കഥാപാത്രമായി ലൈവ് ആയി സംസ്‌കൃത ഭാഷയിൽ നാടകം അവതരിപ്പിച്ചതിനാണ് കാലടി സംസ്‌കൃത സർവകലാശാല മോഹൻലാലിന് ഡോക്ടറേറ്റ് നൽകി ആദരിച്ചത്.

ഇപ്പോഴിതാ മോഹൻലാൽ എന്ന മഹാ നടന് ആദരവുമായി കാലിക്കറ്റ് സർവകലാശാലയും ഡോക്ടറേറ്റ് നൽകുന്നു. മോഹൻലാലിനൊപ്പം കായിക താരം പി ടി ഉഷ , ഷാർജ ഭരണാധികാരി ഡോക്ടർ ഷെയ്ഖ് ബിൻ അൽ ഖാസിമി എന്നിവർക്കും കാലിക്കറ്റ് സർവകലാശാല ഡോക്ടറേറ്റ് നൽകുന്നുണ്ട്.

ഈ വരുന്ന സെപ്റ്റംബർ 26 നു തേഞ്ഞിപ്പാലത്തുള്ള കാലിക്കറ്റ് സർവകലാശാല ആസ്ഥാനത്തായിരിക്കും ഡോക്ടറേറ്റ് നൽകി ആദരിക്കുന്ന ചടങ്ങ് നടക്കുക. ഇതിനു തിരഞ്ഞെടുക്കപ്പെട്ട ഓരോ വ്യക്തികളും തങ്ങളുടെ മേഖലയിൽ നേടിയ നേട്ടങ്ങളും അവർ ആ മേഖലക്ക് നൽകിയ അല്ലെങ്കിൽ നൽകി കൊണ്ടിരിക്കുന്ന സംഭാവനകളും പരിഗണിച്ചാണ് ഈ ബഹുമതി നൽകി ആദരിക്കുന്നത്.

പ്രസിദ്ധ ക്രിക്കറ്റ് താരം സച്ചിൻ റ്റെൻഡുൽക്കറിനും ഡോക്ടറേറ്റ് നല്കാൻ കാലിക്കറ്റ് സർവകലാശാല തീരുമാനിച്ചിരുന്നെങ്കിലും തിരക്കുകൾ മൂലം അദ്ധേഹത്തിനു അടുത്തെങ്ങും കേരളത്തിൽ എത്തിച്ചേരാൻ സാധിക്കില്ല എന്നത് കൊണ്ട് സച്ചിനെ ഒഴിവാക്കുകയായിരുന്നു

Did you find apk for android? You can find new Free Android Games and apps.
Share.

About Author