Tuesday, May 24

മണി രത്‌നത്തിന്റെ പൊന്നിയിൻ സെൽവൻ റെക്കോർഡ് തുകക്ക് ഒടിടിയിൽ..!

Google+ Pinterest LinkedIn Tumblr +
Want create site? Find Free WordPress Themes and plugins.

തമിഴകത്തിന്റെ മാസ്റ്റർ ഡയറക്ടർ മണി രത്‌നം ഒരുക്കിയ പുതിയ ചിത്രമാണ് പൊന്നിയിൻ സെൽവൻ. രണ്ടു ഭാഗങ്ങൾ ആയി ഒരുങ്ങുന്ന ഈ ചിത്രത്തിന്റെ ആദ്യ ഭാഗത്തിന്റെ റിലീസ് ഡേറ്റ്, ആദ്യ ഭാഗത്തിലെ പ്രധാന താരങ്ങളുടെ ഫസ്റ്റ് ലുക്ക് പോസ്റ്റർ എന്നിവ നേരത്തെ തന്നെ പുറത്തു വിട്ടിരുന്നു. ഈ വരുന്ന സെപ്റ്റംബർ മാസം മുപ്പതിന് ആണ് പൊന്നിയിൻ സെൽവൻ റിലീസ് ചെയ്യുക. ഇപ്പോഴിതാ തീയേറ്റർ റിലീസിന് ശേഷം വരുന്ന ഇതിന്റെ ഒടിടി റിലീസിനും വലിയ തുകയാണ് ലഭിച്ചിരിക്കുന്നത് എന്ന വാർത്തയാണ് പുറത്തു വരുന്നത്. പൊന്നിയിന്‍ സെല്‍വന്‍ ആദ്യഭാഗത്തിന്റെ ഒടിടി അവകാശം ആമസോണ്‍ പ്രൈം വീഡിയോ 125 കോടി രൂപയ്ക്കാണ് നേടിയിരിക്കുന്നത്. അഞ്ഞൂറ് കോടി മുതൽ മുടക്കിലാണ് ഈ ചിത്രം നിർമ്മിച്ചിരിക്കുന്നത്. ലൈക്ക പ്രൊഡക്ഷൻസ്, മണി രത്‌നത്തിന്റെ മദ്രാസ് ടാകീസ് എന്നിവ ചേർന്നാണ് അദ്ദേഹത്തിന്റെ സ്വപ്ന ചിത്രം എന്ന് വിശേഷിപ്പിക്കാവുന്ന പൊന്നിയിൻ സെൽവൻ നിർമ്മിച്ചിരിക്കുന്നത്.

കൽക്കി കൃഷ്ണമൂർത്തി എഴുതിയ അഞ്ചു ഭാഗങ്ങൾ ഉള്ള ബ്രഹ്മാണ്ഡ നോവൽ ആണ് പൊന്നിയിൻ സെൽവൻ. വിക്രം, ഐശ്വര്യ റായ്, ജയം രവി, കാർത്തി, തൃഷ എന്നിവർ പ്രധാന വേഷങ്ങൾ ചെയ്യുന്ന ഈ ചിത്രത്തിൽ, ഐശ്വര്യ ലക്ഷ്മി, ജയറാം, ലാൽ, ബാബു ആന്റണി, റിയാസ് ഖാന്‍, റഹ്മാന്‍, ശരത് കുമാർ, പാർത്ഥിപൻ, പ്രഭു, കിഷോർ, വിക്രം പ്രഭു, ശോഭിത, നിഴൽകൾ രവി, അർജുൻ ചിദംബരം, റഹ്മാൻ, മോഹൻ റാം എന്നിവരും അഭിനയിച്ചിരിക്കുന്നു. രവി വർമ്മൻ കാമറ ചലിപ്പിച്ച ഈ ചിത്രത്തിന് സംഗീതം ഒരുക്കുന്നത് എ ആർ റഹ്മാനും എഡിറ്റ് ചെയ്യുന്നത് ശ്രീകർ പ്രസാദുമാണ്. സംവിധായകൻ മണി രത്നതോടൊപ്പം ചേർന്ന് ഇളങ്കോ കുമാരവേലാണ് ഈ ചിത്രത്തിന്റെ തിരക്കഥ ഒരുക്കിയത്.

Did you find apk for android? You can find new Free Android Games and apps.
Share.

About Author