ഒടിയനെ വീഴ്ത്തി കെ ജി എഫ് 2; കേരളത്തിലും സ്വർണം കൊയ്തെടുത്തു റോക്കി ഭായ്..!

Google+ Pinterest LinkedIn Tumblr +
Want create site? Find Free WordPress Themes and plugins.

ഇന്ത്യ മുഴുവൻ റെക്കോർഡ് കളക്ഷൻ നേടുകയാണ് ഇപ്പോൾ റോക്കിങ് സ്റ്റാർ യാഷ് നായകനായി എത്തിയ കെ ജി എഫ് 2 . കേരളത്തിലും റെക്കോർഡ് ഓപ്പണിങ് ആണ് ഈ ചിത്രം നേടിയത്. ഇപ്പോഴിതാ മൂന്നു വർഷത്തിനും നാല് മാസത്തിനും ശേഷം കേരളത്തിൽ ഒരു പുതിയ ആദ്യ ദിന റെക്കോർഡ് സ്ഥാപിക്കപ്പെട്ടിരിക്കുകയാണ്. 2018 ഡിസംബർ റിലീസ് ആയി എത്തിയ മോഹൻലാൽ ചിത്രം ഒടിയൻ നേടിയ ആദ്യ ദിന കളക്ഷൻ ആയ 7 കോടി 22 ലക്ഷമായിരുന്നു കേരളത്തിൽ ഇതുവരെയുള്ള ഏറ്റവും വലിയ ആദ്യ ദിന കളക്ഷൻ. ഇപ്പോഴിതാ ആദ്യ ദിനം 7 കോടി 30 ലക്ഷം നേടി കെ ജി എഫ് 2 പുതിയ റെക്കോർഡ് സൃഷ്ടിച്ചിരിക്കുകയാണ്. കെ ജി എഫ് 2, ഒടിയൻ, ബീസ്റ്റ്, മരക്കാർ, ലൂസിഫർ എന്നിവയാണ് ഇപ്പോൾ ഏറ്റവും കൂടുതൽ ആദ്യ ദിന കളക്ഷൻ കേരളത്തിൽ നിന്നും നേടിയ ചിത്രങ്ങൾ.

അതിൽ 7 കോടിക്ക് മുകളിൽ കളക്ഷൻ നേടിയ ചിത്രങ്ങൾ ഒടിയൻ, കെ ജി എഫ് 2 എന്നിവ മാത്രമാണ്. ആദ്യ ദിന റെക്കോർഡിന് ഒപ്പം ആദ്യ വീക്കെൻഡ് റെക്കോർഡും റോക്കി ഭായ് എടുക്കും എന്നാണ് ഇപ്പോഴുള്ള ബോക്സ് ഓഫീസ് സൂചനകൾ പറയുന്നത്. 22 കോടിക്ക് മുകളിൽ ആദ്യ വീക്കെൻഡിൽ നേടിയ ലൂസിഫർ, ഭീഷ്മ പർവ്വം എന്നീ ചിത്രങ്ങളാണ് ഇപ്പോൾ ആ റെക്കോർഡ് കൈവശം വച്ചിരിക്കുന്നത്. എന്നാൽ കേരളത്തിൽ ഇപ്പോൾ കെ ജി എഫ് തരംഗം ആഞ്ഞടിക്കുന്നു കൊണ്ട് തന്നെ ആദ്യ നാല് ദിവസത്തെ വീക്കെൻഡ് കൊണ്ട് ഈ ചിത്രം 25 മുതൽ 30 കോടി വരെ വീക്കെൻഡ് ഗ്രോസ് നേടാം എന്നാണ് ട്രേഡ് അനലിസ്റ്റുകളും ട്രാക്കേഴ്സും പറയുന്നത്. ഏതായാലും കേരളത്തിലെ ഈ വർഷത്തെ ഏറ്റവും വലിയ ഗ്രോസ്സർ ആവാനുള്ള കുതിപ്പിലാണ് ഇപ്പോൾ പ്രശാന്ത് നീൽ ഒരുക്കിയ ഈ ബ്രഹ്മാണ്ഡ കന്നഡ ചിത്രം.

Did you find apk for android? You can find new Free Android Games and apps.
Share.

About Author