കേരളക്കര ഏറ്റെടുത്ത് കാല.. മിനി സ്റ്റുഡിയോ കേരളത്തിന് നൽകിയത് രജനികാന്ത് തരംഗം

Advertisement

പ്രേക്ഷകരുടെ ഏറെ നാളത്തെ കാത്തിരിപ്പിനൊടുവിൽ റിലീസ് ചെയ്ത സൂപ്പർസ്റ്റാർ രജനികാന്ത് ചിത്രമായ കാല റിലീസിംഗ് സെന്ററുകളിൽ ഹൗസ് ഫുൾ ഷോകളുമായി മുന്നേറുന്ന കാഴ്ച്ച ആണ് കാണാൻ സാധിക്കുന്നത്. പാ രഞ്ജിത് ഒരുക്കിയ ഈ ചിത്രം ഒരേ സമയം ക്ലാസ്സും മാസും ആണെന്ന് പറയാം. രജനികാന്ത് എന്ന താരത്തെയും അദ്ദേഹത്തിലെ നടനെയും ഒരുപോലെ ഉപയോഗിച്ച പാ രഞ്ജിത് പ്രേക്ഷകരുടെ അഭിനന്ദനങ്ങൾ നേടുകയാണ് ഇപ്പോൾ. രജനികാന്തിന്റെ ത്രസിപ്പിക്കുന്ന പ്രകടനം തന്നെയാണ് ഈ ചിത്രത്തിന്റെ ഹൈലൈറ്റ്. കുടുംബ പ്രേക്ഷകരുടെ വമ്പൻ പിന്തുണയാണ് ഇപ്പോൾ ഈ ചിത്രത്തിന് ലഭിച്ചു കൊണ്ടിരിക്കുന്നത്.

ആദ്യമായാണ് ഒരു രജനി ചിത്രത്തിന് ഇത്രയും സ്ത്രീകളും കുട്ടികളും വരുന്നതെന്ന് തീയേറ്ററുകാരും സാക്ഷ്യപ്പെടുത്തുന്നു . കാല പോലെയുള്ള ബിഗ് ബജറ്റ് സിനിമകൾ കൂടാതെ ഇനി റീലീസ് ചെയ്യാൻ പോകുന്ന വിനയ് ഫോർട്ട് ,ബാലു വര്ഗീസ് ,ശബരീഷ് വർമ്മ ടീമിന്റെ ലഡ്ഡു പോലെയുള്ള ഫൺ എന്റെർറ്റൈനെറും, ടോവിനോ തോമസിന്റെ ആക്ഷൻ ത്രില്ലെർ ആയ മറഡോണയും , നിവിൻ പോളി- ഗീതു മോഹൻദാസ് കൂട്ടുക്കെട്ടിന്റെ മൂത്തൊനും മിനി സ്റ്റുഡിയോ ആണ് കേരളത്തിൽ എത്തിക്കുന്നത്. വിതരണത്തോടൊപ്പം മലയാള സിനിമകളുടെ നിർമ്മാണവും നിർവഹിക്കുന്നുണ്ട് മിനി സ്റ്റുഡിയോ.

Advertisement

കാല കൂടാതെ തമിഴിൽ നിന്നു വരാനിരിക്കുന്ന പല വമ്പൻ സിനിമകളുടെ കേരളത്തിലെ വിതരണവും മിനിസ്റ്റുഡിയോ ആയിരിക്കും നിർവഹിക്കുക . ധനുഷ്- ടോവിനോ ചിത്രമായ മാരി 2 ഒക്കെ അത്തരത്തിൽ മിനി സ്റ്റുഡിയോ എത്തിക്കാൻ പോകുന്ന തമിഴ് ചിത്രങ്ങളിൽ ഒന്നാണ്. അതോടൊപ്പം മലയാളത്തിലുള്ള മുൻ നിര താരങ്ങളെയും , സംവിധായകരെയും വച്ചുള്ള പല സിനിമകളും മിനിസ്റ്റുഡിയോയുടെ വരാനിരിക്കുന്ന സംരംഭങ്ങൾ ആണ്.

ഇപ്പോൾ കാല നേടുന്ന ഈ വമ്പൻ ബോക്സ് ഓഫീസ് വിജയം മിനി സ്റ്റുഡിയോക്കു മികച്ച ഒരു അടിത്തറ ആണ് ഇവിടെ നൽകുന്നത്. മഴയെ പോലും അവഗണിച്ചു പ്രേക്ഷകർ കാല കാണാൻ കുടുംബമായി എത്തുമ്പോൾ അത് മിനി സ്റ്റുഡിയോയുടെ മാർക്കറ്റിങ് മികവിന്റെ കൂടി റിസൾട്ട് ആണെന്ന് പറയാം.

Advertisement

Copyright © 2017 onlookersmedia.

Press ESC to close