Tuesday, January 25

ശങ്കർ ചിത്രം ചെയ്യാൻ ജയറാം..

Google+ Pinterest LinkedIn Tumblr +
Want create site? Find Free WordPress Themes and plugins.

മലയാളികളുടെ പ്രീയപ്പെട്ട താരം ജയറാം ഇപ്പോൾ കൂടുതലായി അന്യഭാഷാ ചിത്രങ്ങളാണ് ചെയ്യുന്നത്. മണി രത്‌നം ഒരുക്കിയ പൊന്നിയിൻ സെൽവൻ എന്ന ബ്രഹ്മാണ്ഡ തമിഴ് ചിത്രത്തിൽ ഒരു മികച്ച വേഷം അഭിനയിച്ചു പൂർത്തിയാക്കിയ ജയറാം ഇനി മലയാളത്തിൽ ഒരു ചിത്രം ചെയ്യാൻ പോവുകയാണ്. സത്യൻ അന്തിക്കാട് ഒരുക്കുന്ന ചിത്രത്തിൽ മീര ജാസ്മിൻ ആണ് നായികയായി എത്തുന്നത്. ഇപ്പോഴിതാ തെന്നിന്ത്യയിലെ ഏറ്റവും വലിയ സംവിധായകരിൽ ഒരാളായ ശങ്കർ ഒരുക്കുന്ന ചിത്രത്തിലും ജയറാം അഭിനയിക്കാൻ ഒരുങ്ങുകയാണ് എന്ന റിപ്പോർട്ടുകളാണ് വരുന്നത്.  ശങ്കര്‍ സംവിധാനം ചെയ്യുന്ന രാം ചരണ്‍ ചിത്രത്തിലാണ് ജയറാം അഭിനയിക്കുന്നതെന്നാണ് പുതിയ വാർത്തകൾ പറയുന്നത്. പൊളിറ്റിക്കല്‍ ത്രില്ലറായി ഒരുങ്ങുന്ന ചിത്രത്തില്‍ വില്ലനായിട്ടാണ് ജയറാം അഭിനയിക്കാൻ പോകുന്നതെന്നാണ് പറയപ്പെടുന്നത്. ഇതിനു മുൻപ് തെലുങ്കിൽ അല്ലു അര്‍ജുന്‍ നായകനായ ചിത്രം അലാ വൈകുണ്ഠപുരം, അനുഷ്‌ക ഷെട്ടി നായികയായ ഭാഗമതി എന്നീ ചിത്രങ്ങളില്‍ ജയറാം അഭിനയിച്ചു കയ്യടി നേടിയിരുന്നു.

ഇത് കൂടാതെ ഇപ്പോൾ തെലുങ്കിലെ മറ്റൊരു ബ്രഹ്മാണ്ഡ ചിത്രമായ, പ്രഭാസ് നായകനായ രാധേ ശ്യാം എന്ന പ്രോജെക്ടിന്റെയും ഭാഗമാണ് ജയറാം. അതുപോലെ തെലുങ്കു സൂപ്പർ താരം മഹേഷ് ബാബു അഭിനയിക്കുന്ന പുതിയ ചിത്രത്തിലും ജയറാം അഭിനയിക്കുന്നുണ്ട്. രാം ചരണിന്റെ 15ാം ചിത്രമാണ് ശങ്കര്‍ സംവിധാനം ചെയ്യാൻ പോകുന്നത്. അടുത്ത വർഷമാണ് ഈ ചിത്രം ആരംഭിക്കുക എന്നാണ് വിവരം. കമൽ ഹാസൻ നായകനായ ഇന്ത്യൻ 2 , രൺവീർ സിങ് നായകനായ ബോളിവുഡ് ചിത്രം എന്നിവയും ശങ്കർ ഇനി ചെയ്യാൻ തീരുമാനിച്ചിട്ടുള്ള ചിത്രമാണ്. അതിൽ തന്നെ ഇന്ത്യൻ 2 അറുപതു ശതമാനത്തോളം പൂർത്തിയായി കഴിഞ്ഞു. നടന്‍ ഫഹദ് ഫാസിലും, ശങ്കർ- രാമ ചരൺ ചിത്രത്തില്‍ പ്രധാന വേഷത്തില്‍ എത്തുമെന്ന് റിപ്പോര്‍ട്ടുകള്‍ പറയുന്നുണ്ട്. 

Did you find apk for android? You can find new Free Android Games and apps.
Share.

About Author