Wednesday, May 25

പുത്തൻ മേക്കോവറിൽ ബിജു മേനോൻ: ലവ കുശയിലൂടെ ഈ വർഷത്തെ മൂന്നാം വിജയം.

Google+ Pinterest LinkedIn Tumblr +
Want create site? Find Free WordPress Themes and plugins.

നടൻ നീരജ് മാധവ് ആദ്യമായി തിരക്കഥ ഒരുക്കി , ഗിരീഷ് മനോ സംവിധാനം ചെയ്ത ലവ കുശ എന്ന കോമഡി ചിത്രം ഈ കഴിഞ്ഞ വ്യാഴാഴ്ചയാണ് ഇവിടെ പ്രദർശനത്തിന് എത്തിയത്. ബിജു മേനോൻ, നീരജ് മാധവ്, അജു വർഗീസ് എന്നിവർ പ്രധാന വേഷങ്ങളിൽ എത്തിയ ഈ ചിത്രം നിർമ്മിച്ചത് ആർ ജെ ക്രീയേഷന്സിന്റെ ബാനറിൽ ജെയ്സൺ ഇളംകുളം ആണ്.

സ്പൈ ത്രില്ലർ എന്ന വുഭാഗത്തിൽ പെടുന്ന മലയാളത്തിലെ ആദ്യ ചിത്രമാണ് ലവ കുശ എന്ന് പറയാം. ആദ്യാവസാനം പ്രേക്ഷകരെ കുടു കുടെ ചിരിപ്പിക്കുന്ന രീതിയിലാണ് ഈ ചിത്രം നമ്മുക്ക് മുന്നിൽ അവതരിപ്പിച്ചിരിക്കുന്നത്. ചിരിക്കൊപ്പം ആവേശവും സസ്‌പെൻസും തരുന്നുണ്ട് ഈ ചിത്രം എന്നതു ലവ കുശയെ പ്രേക്ഷകരുടെ പ്രീയപെട്ടതാക്കുന്നു. ഈ ചിത്രത്തിൽ ഒരു പുത്തൻ മേക്കോവറിൽ ആണ് ബിജു മേനോൻ എത്തിയിരിക്കുന്നത് .

ഈ അടുത്ത കാലത്തായി കൂടുതലും നാടൻ വേഷങ്ങളിലും സാധാരണക്കാരന്റെ ലുക്കിലും ആണ് ബിജു മേനോൻ പ്രത്യക്ഷപ്പെട്ടിട്ടുള്ളത്. അതെല്ലാം പ്രേക്ഷകർ ഇരു കയ്യും നീട്ടി സ്വീകരിക്കുകയും ചെയ്തു. പക്ഷെ ഈ ചിത്രത്തിൽ ജോയ് കാപ്പൻ എന്ന പോലീസ് കഥാപാത്രം ആണ് ബിജു മേനോൻ അവതരിപ്പിക്കുന്നത്. എല്ലാ അർഥത്തിലും ഒരു സ്റ്റൈലിഷ് പോലീസ് ഓഫീസർ ആണ് ജോയ് കാപ്പൻ. ജെ കെ എന്ന ചുരുക്കപ്പേരിൽ അറിയപ്പെടുന്ന ജോയ് കാപ്പനെ കയ്യടികളോടെയാണ് ആരാധകർ സ്വീകരിക്കുന്നത്.

ലവ കുശ വലിയ വിജയം നേടി മുന്നേറുമ്പോൾ , രക്ഷാധികാരി ബൈജുവിനും ഷെർലക് ടോംസിനും ശേഷം ഈ വർഷത്തെ മൂന്നാമത്തെ ബോക്സ് ഓഫീസ് വിജയമാണ് ബിജു മേനോൻ നേടുന്നത്.

നീരജ് മാധവ്- അജു വർഗീസ് ടീമിന്റെ സൂപ്പർ പെർഫോമൻസും ഇവരും ബിജു മേനോനും തമ്മിലുള്ള ഓൺസ്‌ക്രീൻ രസതന്ത്രവുമെല്ലാം ചിത്രത്തെ ഒരുപാട് തുണച്ചിട്ടുണ്ട് എന്ന് പറയാം. ഗോപി സുന്ദർ സംഗീതം നൽകിയ ഈ ചിത്രത്തിന് ദൃശ്യങ്ങൾ നൽകിയത് പ്രകാശ് വേലായുധൻ ആണ്. ഏതായാലും പ്രേക്ഷകരെ ഒരുപാട് ചിരിപ്പിക്കുന്ന ഈ ചിത്രം ഇതിനോടകം ഹിറ്റ് ചാർട്ടിൽ ഇടം നേടി കഴിഞ്ഞു.

Did you find apk for android? You can find new Free Android Games and apps.
Share.

About Author