Friday, August 19

കഥ കേട്ടപ്പോഴേക്കും ചെയ്യുമെന്ന് ഉറപ്പിച്ച വേഷമാണ് ചിത്രയുടേത്; മധുരം നായിക പറയുന്നു..!

Google+ Pinterest LinkedIn Tumblr +
Want create site? Find Free WordPress Themes and plugins.

ജൂൺ എന്ന പ്രേക്ഷക- നിരൂപക പ്രശംസ നേടിയ ചിത്രത്തിന് ശേഷം അഹമ്മദ് കബീർ ഒരുക്കിയ രണ്ടാമത്തെ ചിത്രമായ മധുരം മികച്ച പ്രേക്ഷക അഭിപ്രായം നേടി മുന്നേറുകയാണ്. നേരിട്ടുള്ള ഒറ്റിറ്റി റിലീസ് ആയി സോണി ലൈവിൽ സ്ട്രീം ചെയ്തു തുടങ്ങിയ ഈ ചിത്രത്തിന് വമ്പൻ പേക്ഷക പ്രതികരണമാണ് ലഭിച്ചിരിക്കുന്നത്. ഈ ചിത്രത്തിൽ നടത്തിയ ഗംഭീര പ്രകടനത്തിന് ജോജു ജോർജ്, അർജുൻ അശോകൻ, ഇന്ദ്രൻസ് എന്നിവരും, ശ്രുതി രാമചന്ദ്രൻ, നിഖിൽ വിമൽ എന്നിവരും വലിയ പ്രശംസയാണ് ഇപ്പോൾ നേടിയെടുക്കുന്നത്. ഇതിലെ നായികാ വേഷം ചെയ്ത ശ്രുതി രാമചന്ദ്രന്, ചിത്ര എന്ന കഥാപാത്രം കരിയറിൽ തന്നെ ഒരു വലിയ ബ്രേക്ക് നൽകുമെന്ന് പറയാൻ സാധിക്കും. അത്ര മനോഹരമായാണ് ശ്രുതി ഈ വേഷം ചെയ്തിരിക്കുന്നത്. കഥ കേട്ടയുടനെ ചാടിക്കയറി യെസ് പറഞ്ഞ ആദ്യ സിനിമയാണ് മധുരം എന്നും അതെക്കുറിച്ച് രണ്ടാമതൊന്ന് ആലോചിക്കേണ്ടി വന്നില്ല എന്നും ശ്രുതി പറയുന്നു. സഹഅഭിനേതാക്കളുടെ പ്രകടനം നമ്മുടെയും അഭിനയത്തെ നന്നായി സ്വാധീനിക്കും എന്ന് പറഞ്ഞ തന്റെ കൂടെ അഭിനയിച്ച ആളുകളെയും പ്രശംസിക്കുന്നുണ്ട്.

ചിത്രത്തിൽ ജോലി ചെയ്തവരുടെ കൂട്ടായ്മയുടെ വിജയമാണ് മധുരം എന്നും തന്റെ കഥാപാത്രത്തെ ഏറ്റവും മികച്ചതായി രൂപപ്പെടുത്തിയതിൽ കോസ്റ്റിയൂം സിഡൈനര്‍ സമീറ സനീഷ്, മേക്കപ്പ് ചെയ്ത റോണക്‌സ് സേവിയര്‍, ഹെയര്‍സ്‌റ്റൈലിസ്റ്റ് സീമ ഹരിദാസ് എന്നിവരും പ്രത്യേക അഭിനന്ദനം അര്‍ഹിക്കുന്നു എന്നും ശ്രുതി വെളിപ്പെടുത്തി. അപ്പു പാത്തു പപ്പു പ്രൊഡക്ഷൻസിന്റെ ബാനറിൽ ജോജു ജോർജ് നിർമ്മിച്ച ഈ ചിത്രത്തിന്റെ കഥ രചിച്ചത് സംവിധായകനും തിരക്കഥ രചിച്ചിരിക്കുന്നത് ആഷിക് ഐമാർ, ഫാഹിം സഫർ എന്നിവരുമാണ്. ജഗദീഷ്, ലാൽ, ജാഫർ ഇടുക്കി, നവാസ് വള്ളിക്കുന്ന്, ഫാഹിം സഫർ, ബാബു ജോസ്, ജീവൻ ബേബി മാത്യു, മാളവിക ശ്രീനാഥ്, ജോർഡി പാലാ, സുധി മിറാഷ്, തിരുമല രാമചന്ദ്രൻ, ഐഷ മറിയം എന്നിവരും ഈ ചിത്രത്തിന്റെ താരനിരയിലുണ്ട്.

Did you find apk for android? You can find new Free Android Games and apps.
Share.

About Author