നവാഗതനായ രാകേഷ് ബാല രചനയും സംവിധാനവും നിർവഹിച്ച ചിത്രമാണ് മാർജാര ഒരു കല്ല് വെച്ച നുണ. മുല്ലപ്പള്ളി പ്രൊഡക്ഷൻസിന്റെ ബാനറിൽ ചാക്കോ മുല്ലപ്പള്ളി നിർമ്മിച്ച ഈ ചിത്രത്തിന്റെ ട്രൈലെർ മലയാളത്തിന്റെ മഹാനടൻ മോഹൻലാൽ ഇന്ന് റിലീസ് ചെയ്തു. ഇന്ന് വൈകുന്നേരം ഏഴു മണിക്ക് തന്റെ ഒഫീഷ്യൽ ഫേസ്ബുക് പേജിലൂടെ ആണ് മോഹൻലാൽ ഈ ട്രൈലെർ റിലീസ് ചെയ്തത്. ജയ്സൺ ചാക്കോ, വിഹാൻ, രേണു സൗന്ദർ എന്നിവരാണ് ഈ ചിത്രത്തിലെ കേന്ദ്ര കഥാപാത്രങ്ങളായി എത്തുന്നത്. ഇവരോടൊപ്പം അഭിരാമി, സുധീർ കരമന, ഹരീഷ് പേരടി, രാജേഷ് ശർമ്മ, ടിനി ടോം, രാജേഷ് പാണാവള്ളി, കൊല്ലം സുധി തുടങ്ങിയ ഒട്ടേറെ പ്രശസ്തരായ താരങ്ങളും അഭിനയിക്കുന്ന ഈ ചിത്രത്തിന് ജെറി സെെമൺ ആണ് ഛായാഗ്രഹണം നിർവ്വഹിക്കുന്നത്. റഫീഖ് അഹമ്മദ്, ഏങ്ങണ്ടിയൂർ ചന്ദ്രശേഖരൻ എന്നിവരുടെ വരികൾക്ക് കിരൺ ജോസ് സംഗീതം പകരുന്ന ഈ ചിത്രം അധികം വൈകാതെ തന്നെ പ്രേക്ഷകർക്ക് മുന്നിൽ എത്തും.
ജിസ്സൻ ജോർജ് ആണ് ഈ ചിത്രത്തിന് വേണ്ടി പശ്ചാത്തല സംഗീതം ഒരുക്കിയിരിക്കുന്നത്. സുനീഷ് വെെക്കം പ്രൊഡക്ഷൻ കൺട്രോളർ ആയി എത്തിയ ഈ ചിത്രത്തിന്റെ കലാ സംവിധാനം മനു പെരുന്ന ആണ്. റഹിം കൊടുങ്ങല്ലൂർ മേക് അപ് നിർവഹിച്ചിരിക്കുന്ന ഈ ചിത്രത്തിന്റെ വസ്ത്രാലങ്കാരം ലേഖ മോഹൻ ആണ് ചെയ്തിരിക്കുന്നത്. ലിജോ പോൾ ആണ് ഈ ചിത്രത്തിന് വേണ്ടി എഡിറ്റിംഗ് നിർവഹിച്ചിരിക്കുന്നതു. റൺ രവി സംഘട്ടനം ഒരുക്കിയ ഈ ചിത്രത്തിന് വേണ്ടി നൃത്ത സംവിധാനം നിർവഹിച്ചത് കൂൾ ജയന്ത് ആണ്.
