സ്വവർഗാനുരാഗത്തിന്റെ കഥ പറഞ്ഞു കൊണ്ട് രണ്ടാഴ്ച മുൻപ് പ്രേക്ഷകരുടെ മുന്നിലെത്തിയ ചിത്രമായിരുന്നു ഹോളി വൂണ്ട്. എസ് എസ് ഫ്രെയിംസ് ഒടിടിയിലൂടെ റിലീസ് ചെയ്ത ഈ ചിത്രം സംവിധാനം ചെയ്തത് മിഴികൾ സാക്ഷി, അതുപോലെ ആന്തോളജി ചിത്രമായ ക്രോസ്സ് റോഡിലെ ഒരു ചിത്രം എന്നിവ സംവിധാനം ചെയ്തു ശ്രദ്ധ നേടിയിട്ടുള്ള അശോക് ആർ നാഥ് ആയിരുന്നു. മോഡലും ബിഗ്ബോസ് താരവുമായ ജാനകി സുധീർ കേന്ദ്രകഥാപാത്രത്തെ അവതരിപ്പിച്ച ഈ ചിത്രത്തിൽ അമൃത, സാബു പ്രൗദീൻ എന്നിവരും നിർണ്ണായക വേഷങ്ങൾ ചെയ്തു. ബോൾഡായ രംഗങ്ങൾ നിറഞ്ഞ ഈ ചിത്രത്തിനു ശേഷം ഇപ്പോഴിതാ ഒരിക്കൽ കൂടി ഒരു ബോൾഡ് കഥാപാത്രവുമായി എത്തുകയാണ് ജാനകി സുധീർ. താൻ അഭിനയിച്ച പുതിയ ഹൃസ്വ ചിത്രത്തിന്റെ ട്രൈലെർ പുറത്തു വിട്ടിരിക്കുകയാണ് ജാനകി സുധീർ.
https://www.instagram.com/reel/ChmeEyYJRkM/?utm_source=ig_web_copy_link
വില്ല 666 എന്ന് പേരിട്ടിരിക്കുന്ന ഈ ഹൃസ്വ ചിത്രത്തിലും വളരെ ബോൾഡായ ഒരു കഥാപാത്രത്തിനാണ് ജാനകി സുധീർ ജീവൻ നൽകിയിരിക്കുന്നതെന്ന് ഇതിന്റെ ട്രൈലെർ നമ്മുക്ക് കാണിച്ചു തരുന്നുണ്ട്. എസ് ജെ വിഷ്വൽ മീഡിയ നിർമ്മിച്ചിരിക്കുന്ന ഈ ചിത്രം ഒരു ഹൊറർ ത്രില്ലറായാണ് ഒരുക്കിയിരിക്കുന്നത്. സുജിത് സുധാകരനാണ് ഈ ചിത്രം കഥയും തിരക്കഥയും രചിച്ചു സംവിധാനം ചെയ്തിരിക്കുന്നത്. അധികം വൈകാതെ തന്നെ ഈ ഹൃസ്വ ചിത്രം പ്രേക്ഷകരുടെ മുന്നിലെത്തുമെന്നാണ് സൂചന. ഹോളി വൂണ്ട് കൂടാതെ ഒമർ ലുലു ഒരുക്കിയ ചങ്ക്‌സ് എന്ന ചിത്രത്തിലും അഭിനയിച്ചിട്ടുള്ള ജാനകി സുധീർ, ശ്രദ്ധ നേടിയത് ഒരുപിടി ഹൃസ്വ ചിത്രങ്ങളിലൂടെയാണ്.
