അവതാരികയായും അഭിനേത്രിയായും മലയാളികൾക്ക് പ്രിയങ്കരിയായ യുവതാരമാണ് പേർളി മാണി. അഭിനേത്രി ആയാണ് തുടങ്ങിയതെങ്കിലും പരിപാടികളുടെ മികച്ച അവതരണത്തിലൂടെ പ്രേക്ഷകർക്ക് ഏറെ പ്രിയങ്കരിയായി മാറുകയായിരുന്നു പേർളി. പേർളിയുടെ സ്വതസിദ്ധമായ അവതരണശൈലിയും എല്ലാം തന്നെ വളരെ വേഗമാണ് ശ്രദ്ധിക്കപ്പെട്ടത്. പിന്നീട് പേർളി വിവിധ ചിത്രങ്ങളിലൂടെയും പ്രേക്ഷകർക്കു മുൻപിൽ എത്തി മികച്ച പ്രകടനം കാഴ്ചവച്ചു. പ്രേതം, കാപ്പിരി തുരുത്ത്, പുള്ളിക്കാരൻ സ്റ്റാറാ തുടങ്ങി നിരവധി ചിത്രങ്ങളിലൂടെ ഇപ്പോൾ മലയാളസിനിമയിൽ സജീവമായിമാറിയ പേർളി ഇപ്പോളിതാ പുതിയ മേഖലയിലേക്ക് കൂടി കടന്നിരിക്കുകയാണ്. മലയാള സിനിമയിലെ ഒരു ഗാനരചയിതാവായി കൂടിയാണ് പേർളി മാണി ഇനി അറിയപ്പെടുക.
https://www.facebook.com/omarlulu/videos/515818822148213/
ഒമർ ലുലു സംവിധാനം ചെയ്ത ഒരു അഡാർ ലവ് ഇതിനോടകം തന്നെ ലോകശ്രദ്ധയാകർഷിച്ച ചിത്രമാണ്. ചിത്രത്തിലെ മാണിക്യമലരായ ഭൂവി എന്നു തുടങ്ങുന്ന ആദ്യ ഗാനം വലിയ തരംഗം സൃഷ്ടിച്ച മുന്നേറിയിരുന്നു കൂടാതെ ചിത്രത്തിലെ നായികയായ പ്രിയ വാര്യർ ഗാനത്തിലൂടെയാണ് ലോകമറിയുന്ന താരമായി മാറിയത്. ഇപ്പോഴിതാ ചിത്രത്തിലെ പുതിയ ഗാനം കൂടി കഴിഞ്ഞ ദിവസം പുറത്തുവന്നിരുന്നു. ഷാൻ റഹ്മാൻ ഈണമിട്ട ചിത്രത്തിലെ ഒരു തമിഴ് ഗാനമാണ് കഴിഞ്ഞദിവസം പുറത്തിറങ്ങി വലിയ ചർച്ചയായി മാറിക്കൊണ്ടിരിക്കുന്നത്. ഈ പ്രണയ ഗാനത്തിനായാണ് പേർളി വരികൾ എഴുതിയിരിക്കുന്നത്. ചിത്രത്തിലെ ഗാനം ശ്രദ്ധേയമായി മാറിയപ്പോൾ പേർളി മാണിയുടെ വരികളും വളരെയധികം ശ്രദ്ധയാകർഷിച്ചു കഴിഞ്ഞു. എന്തായാലും പുത്തൻ മേഖലയിലും പേർളി തന്റെ കഴിവ് തെളിയിക്കുകയാണ് എന്ന് തന്നെ പറയാം.
