സൂപ്പർ ഹിറ്റുകളായ കല്‍ക്കി, സോംബി റെഡ്ഡി തുടങ്ങിയ ചിത്രങ്ങളിലൂടെ പ്രേക്ഷക ശ്രദ്ധ നേടിയെടുത്ത തെലുങ്ക് സംവിധായകനായ പ്രശാന്ത് വര്‍മ തന്റെ പുത്തൻ ചിത്രവുമായി എത്തുകയാണ്. അദ്ദേഹം സംവിധാനം ചെയ്ത ഏറ്റവും പുതിയ ചിത്രത്തിന് നൽകിയിരിക്കുന്ന പേര് ഹനുമാൻ എന്നാണ്. ഇപ്പോഴിതാ ഈ ചിത്രത്തിൻറെ ടീസർ റീലീസ് തീയതി പുറത്ത് വന്നിരിക്കുകയാണ്. വരുന്ന നവംബർ 15 നാണ് ഇതിന്റെ ടീസർ എത്തുന്നത്. പ്രശാന്ത് വര്‍മ തന്നെ തിരക്കഥയും രചിച്ച ഈ ചിത്രത്തിൽ തേജ സജ്ജയാണ് നായകനായി എത്തുന്നത്. അമൃത അയ്യർ നായിക വേഷം ചെയ്യുന്ന ഈ ചിത്രം പ്രൈംഷോ എന്റര്‍ടെയ്‍ൻമെന്റിന്റെ ബാനറില്‍ കെ നിരഞ്‍ജൻ റെഡ്ഢിയാണ് നിർമ്മിക്കുന്നത്. മെഗാ ബഡ്ജറ്റിലാണ് അദ്ദേഹം ഈ ചിത്രം നിർമ്മിക്കുന്നത്.
ആദ്യത്തെ പാൻ ഇന്ത്യ സൂപ്പര്‍ ഹീറോ സിനിമ എന്ന വിശേഷണത്തോടെയാണ് ഹനുമാൻ എന്ന ചിത്രം എത്തുന്നതെന്ന പ്രത്യേകതയുമുണ്ട്. പ്രശസ്ത ഛായാഗ്രാഹകൻ ശിവേന്ദ്രയാണ് ഈ ചിത്രത്തിന് വേണ്ടി ക്യാമറ ചലിപ്പിച്ചത്. തെലുങ്ക്, തമിഴ്, ഹിന്ദി, കന്നഡ, മലയാളം ഭാഷകളിൽ ഹനുമാൻ റീലീസ് ചെയ്യും. വരലക്ഷ്മി ശരത്കുമാർ, വിനയ് റായ്, സത്യരാജ്, ദീപക് ഷെട്ടി തുടങ്ങിയ ജനപ്രിയ താരങ്ങളും അണിനിരക്കുന്ന ഈ ചിത്രത്തിന്റെ റിലീസ് തിയതി ഇതുവരെ പ്രഖ്യാപിച്ചിട്ടില്ല. നേരത്തെ പുറത്ത് വന്ന ഈ ചിത്രത്തിന്റെ ഫസ്റ്റ് ലുക്കിനും മികച്ച പ്രേക്ഷക പ്രതികരണം ലഭിച്ചിരുന്നു. ഏതായാലും ഏറെ പ്രതീക്ഷകളോടെ പ്രേക്ഷകർ കാത്തിരിക്കുന്ന തെന്നിന്ത്യൻ ചിത്രങ്ങളിലൊന്ന് തന്നെയാണ് ഹനുമാൻ. ടൈറ്റിൽ ഇതായത് കൊണ്ട് തന്നെ രാമായണ കഥയുമായി ചിത്രത്തിന് വല്ല ബന്ധവുമുണ്ടോ എന്ന ആകാംക്ഷയിൽ കൂടിയാണ് പ്രേക്ഷകർ കാത്തിരിക്കുന്നത്.
@tejasajja123 @PrasanthVarma Waiting For #Hanuman Teaser Eagerly @manojvalluri @HaashtagMedia pic.twitter.com/1V3WtJgf5s
— Cinemapichodu Anil (@Cinemapichodu16) November 7, 2022
