ആദ്യ ചിത്രമായ മുത്തുഗൗവിലൂടെ തന്നെ പ്രേക്ഷക ഹൃദയത്തിൽ ഇടം പിടിച്ച നായികയാണ് അർത്ഥന. സുരേഷ് ഗോപിയുടെ മകൻ ഗോകുൽ സുരേഷ് ആദ്യമായി നായകനായി എത്തിയ ചിത്രം ഫ്രൈഡേ ഫിലിംസിന്റെ ബാനറിൽ വിജയ് ബാബുവും, സാന്ദ്രാ തോമസുമാണ് നിർമ്മിച്ചത്. നവാഗതനായ വിപിൻ ദാസായിരുന്നു ചിത്രം തിരക്കഥയെഴുതി സംവിധാനം ചെയ്തത്. ആദ്യ ചിത്രത്തിലൂടെ തന്നെ അർത്ഥന അന്ന് വലിയ ശ്രദ്ധ നേടി. തമിഴ് ചിത്രമായ തൊണ്ടനയിലൂടെയാണ് പ്രേക്ഷകർക്ക് മുൻപിൽ എത്തിയത്. തമിഴ് താരം സമുദ്രക്കനിയാണ് ചിത്രം സംവിധാനം ചെയ്തത്.
താൻ അദ്ദേഹത്തതിന്റെ വലിയ ആരാധികയാണെന്നു പറഞ്ഞ അർത്ഥന. സൂര്യ ഓഫ് സ്ക്രീനിലും അദ്ദേഹത്തിന്റെ പെരുമാറ്റത്താൽ പ്രേക്ഷക ഹൃദയം കവരുന്ന ഒരാളാണെന്നും പറയുകയുണ്ടായി. അദ്ദേഹത്തിന്റെ ആരാധികയാണെങ്കിലും അദ്ദേഹത്തിനോടൊപ്പം പ്രവർത്തിക്കാൻ സാധിച്ചത് ഇപ്പോഴാണെന്നും അർത്ഥന പറയുകയുണ്ടായി.അർത്ഥനയുടേതായി ഇപ്പോൾ പുറത്തിറങ്ങാനിരിക്കുന്ന ചിത്രമാണ് സെമ്മ. ജി. വി. പ്രകാശ് കുമാറാണ് ചിത്രത്തിലെ നായകൻ. വള്ളികാന്ത് സംവിധാനം ചെയ്ത ചിത്രത്തിന്റെ നിർമ്മാതാവ് തമിഴ് സൂപ്പർ ഹിറ്റുകളുടെ സംവിധായകൻ പാണ്ടിരാജാണ്. പാണ്ഡിരാജ് അതിനിടെ സംവിധാനം ചെയ്യുന്ന കാർത്തി ചിത്രം കടയ്ക്കുട്ടി സിംഗത്തിലും അർത്ഥന ഒരു സുപ്രധാന വേഷത്തിൽ എത്തുന്നു. ചിത്രം നിർമ്മിക്കുന്നതാവട്ടെ സൂര്യയും. ചിത്രത്തിന്റെ ഭാഗമായാണ് സൂര്യയെ അർത്ഥന കണ്ടത്. പാണ്ഡിരാജ് സംവിധാനം ചെയ്ത മുൻ ചിത്രം പസങ്ക 2 വും നിർമ്മിച്ചത് സൂര്യ തന്നെ ആയിരുന്നു.
