‘തല്ലുമാല’ക്ക് ശേഷം ഖാലിദ് റഹ്മാൻ സംവിധാനം ചെയ്യുന്ന പുതിയ ചിത്രത്തിന്റെ ടൈറ്റിൽ പുറത്ത്. സ്പോർട്സ് കോമഡി വിഭാഗത്തിൽ ഒരുങ്ങുന്ന ചിത്രത്തിൽ നസ്ലെൻ, ഗണപതി, ലുക്മാൻ, അനഘ രവി തുടങ്ങിയവരാണ് പ്രധാന കഥാപാത്രങ്ങളെ അവതരിപ്പിക്കുന്നത്. ആലപ്പുഴ ജിംഖാന എന്നാണ് ഈ ചിത്രത്തിന് നൽകിയിരിക്കുന്ന പേര്.
പ്ലാൻ ബി മോഷൻ പിക്ചേഴ്സ് ആണ് ഈ ചിത്രം നിർമ്മിക്കുന്നത്. ഇവരുടെ ആദ്യ നിർമാണ സംരംഭം കൂടിയാണിത്. സന്ദീപ് പ്രദീപ്, ഫ്രാങ്കോ ഫ്രാൻസിസ്, ബേബി ജീൻ, ശിവ ഹരിഹരൻ, ഷോൺ ജോയ്, കാർത്തിക്, നന്ദ നിഷാന്ത് തുടങ്ങിയവരാണ് ചിത്രത്തിലെ മറ്റു പ്രധാന വേഷങ്ങൾ ചെയ്യുന്നത്. ഖാലിദ് റഹ്മാൻ തന്നെ തിരക്കഥ രചിച്ച ഈ ചിത്രത്തിന് സംഭാഷണം രചിച്ചത് രതീഷ് രവിയാണ്.
ജിംഷി ഖാലിദ് കാമറ ചലിപ്പിച്ച ചിത്രത്തിന് സംഗീതം പകരുന്നത് വിഷ്ണു വിജയ്. നിഷാദ് യൂസഫ് ആണ് ഈ ചിത്രത്തിന്റെ എഡിറ്റിംഗ് നിർവഹിക്കുന്നത്. സെൻട്രൽ പിക്ക്ചേഴ്സ് റിലീസ് ചെയ്യാൻ പോകുന്ന ഈ ചിത്രത്തിലെ ഗാനങ്ങൾക്ക് വരികൾ രചിച്ചിരിക്കുന്നത് സംവിധായകനായ മുഹ്സിൻ പരാരിയാണ്. ഗിരീഷ് എ ഡി സംവിധാനം ചെയ്ത ‘പ്രേമലു’ ആണ് നസ്‌ലൻ നായകനായി തിയറ്ററിലെത്തിയ അവസാനത്തെ ചിത്രം. ഗംഭീര പ്രേക്ഷക പ്രതികരണം നേടിയ ചിത്രം 100 കോടിക്ക് മുകളിലാണ് തിയറ്ററുകളിൽ നിന്നും നേടിയ ഗ്രോസ് കളക്ഷൻ.
