സൂപ്പർ താരങ്ങൾ അരങ്ങുവാണ ‘അമ്മ മഴവിൽ ഷോ തലസ്ഥാന നഗരിയെ ആവേശത്തിലാക്കിയത് ഇന്നലെയായിരുന്നു. പ്രേക്ഷകർക്ക് ആവേശം തീർത്ത് താരങ്ങൾ നൃത്തവുമായി വേദിയിലേക്ക് എത്തിയതോടെ സ്റ്റേജ് അക്ഷരാർത്ഥത്തിൽ ഇളകി മറിയുകയായിരുന്നു. മോഹൻലാലിനെയും മമ്മൂട്ടിയെയും കൂടാതെ ഇത്തവണ വലിയ ശ്രദ്ധാ കേന്ദ്രമായി മാറിയത് യുവാക്കളുടെ പ്രിയതാരം ദുൽഖർ സൽമാൻ ആയിരുന്നു. കഴിഞ്ഞ ദിവസങ്ങളിൽ ദുൽഖറിന്റെ കിടിലൻ നൃത്ത രംഗങ്ങൾ പുറത്ത് വന്നിരുന്നു അത് വലിയ ആവേശമായി തീരുകയും ചെയ്തു. റിഹേഴ്‌സലിലെ ദുൽഖർ സൽമാനും മകളും എല്ലാം നവമാധ്യമങ്ങളിൽ താരമായി മാറികൊണ്ടിരിക്കെയാണ് അദ്ദേഹത്തിന് പരിക്ക് പറ്റുന്നത്. നൃത്ത പരിശീലനത്തിനിടെ പരിക്ക് പറ്റിയ ദുൽഖർ സൽമാനെ ഉടൻ ആശുപത്രിയിൽ എത്തിച്ചു. കാര്യമായ പരിക്കുകൾ ഇല്ലാത്തതിനാൽ തന്നെ ദുൽഖർ ആശുപത്രി വിട്ടു. എങ്കിലും നൃത്ത അദ്ദേഹം പരിശീലനം തുടരുകയായിരുന്നു. പിന്നീട് കൊച്ചിയിലെ റിഹേഴ്‌സൽ പൂർത്തിയാക്കി ദുൽഖർ തിരുവന്തപുരത്തേക്ക് പോവുകയായിരുന്നു.
#DulquerSalman performing with his injured leg at #AmmaMazhavillu. Hatsoff for the dedication 👏👏 #DQ #Dulquer #dulquersalmaan @Forumkeralam1 @MoviePlanet8 @VRFridayMatinee @DulquerFanpage @KeralaBO1 @DulQuerS_FC pic.twitter.com/pG2xa2xKdY
— Cocktail Media (@cocktail_2016) May 7, 2018
വീഴ്ചയിൽ ഉണ്ടായ പരിക്കുകളെ ഒന്നും വകവെയ്ക്കാതെയാണ് ദുൽകർ ഇന്നലെ ‘അമ്മ മഴവിൽ ഷോയിൽ എത്തിയത്. മോഹൻലാലിനൊപ്പം വേദിയിൽ എത്തിയ ദുൽഖർ കിടിലൻ കൗണ്ടറുകളുടെ അകമ്പടിയോടെ പിതാവ് മമ്മൂട്ടിക്കൊപ്പവും സ്റ്റേജിൽ നിറഞ്ഞു നിന്നു. പിന്നീട തകർപ്പൻ നൃത്തവുമായാണ് ദുൽഖർ വേദിയിൽ ഉള്ളവരെയെല്ലാം കയ്യിലെടുത്തത്. വീഴ്ചയിൽ ഉണ്ടായ പരിക്കിനെ മറികടന്ന അസാമാന്യ പ്രകടനമായിരുന്നു ദുൽഖറിന്റേത്. പ്രേക്ഷകർ വാൻ കയ്യടികളോടുകൂടിയാണ് ദുൽഖറിന്റെ ഓരോ പ്രകടനത്തെയും എതിരേറ്റത്. ദുൽഖറിന്റെ പ്രകടനം കാണാൻ ഭാര്യ അമൽ സൂഫിയയും മകൾ മറിയം അമീറയും എത്തിയിരുന്നു.
