രണ്ടു ചിത്രങ്ങൾ ആണ് ഇന്ന് മലയാള സിനിമയിൽ പോരാട്ടത്തിന് എത്തുന്നത്. ബിജു മേനോൻ നായകൻ ആയി എത്തുന്ന സത്യം പറഞ്ഞാൽ വിശ്വസിക്കുമോ എന്ന ചിത്രവും ജയറാം നായകനായി എത്തുന്ന മാർക്കോണി മത്തായിയും ആണ് ആ ചിത്രങ്ങൾ. ജയറാമിനൊപ്പം മക്കൾ സെൽവൻ വിജയ് സേതുപതിയും എത്തുന്നു എന്നത് മാർക്കോണി മത്തായിയെ ശ്രദ്ധേയമാക്കുമ്പോൾ പ്രശസ്ത നടി സംവൃത സുനിൽ തിരിച്ചെത്തുന്നു എന്നതാണ് സത്യം പറഞ്ഞാൽ വിശ്വസിക്കുവോ എന്ന ചിത്രത്തെ ശ്രദ്ധേയമാക്കുന്ന ഒരു ഘടകം. മികച്ച റിലീസ് ആണ് ഈ രണ്ടു ചിത്രങ്ങളും കേരളത്തിൽ നേടിയിരിക്കുന്നത്. രണ്ടിന്റെയും തീയേറ്റർ ലിസ്റ്റുകൾ ഇവിടെ ചേർക്കുന്നു.
ജയറാം- വിജയ് സേതുപതി ചിത്രമായ മാർക്കോണി മത്തായി സംവിധാനം ചെയ്തിരിക്കുന്നത് സനിൽ കളത്തിൽ ആണ്. അദ്ദേഹവും റെജീഷ് മൈഥിലിയും ചേർന്നാണ് ഈ ചിത്രം രചിച്ചിരിക്കുന്നത്. ഒരു വടക്കൻ സെൽഫി എന്ന ചിത്രം ഒരുക്കി അരങ്ങേറ്റം കുറിച്ച ജി പ്രജിത് ആണ് സത്യം പറഞ്ഞാൽ വിശ്വസിക്കുവോ എന്ന ചിത്രം ഒരുക്കിയിരിക്കുന്നത്. സജീവ് പാഴൂർ തിരക്കഥ രചിച്ചിരിക്കുന്ന ഈ ചിത്രം നിർമ്മിച്ചിരിക്കുന്നത്, ഗ്രീൻ ടി വി എന്റെർറ്റൈനെർ, ഉർവശി തീയേറ്റേഴ്സ് എന്നിവയുടെ ബാനറിൽ രമാദേവി, സന്ദിപ് സേനൻ, അനീഷ് എം തോമസ് എന്നിവർ ചേർന്നാണ്. ഫാമിലി എന്റെർറ്റൈനെറുകൾ ആയാണ് ഈ രണ്ടു ചിത്രങ്ങളും പ്രേക്ഷകരുടെ മുന്നിൽ എത്തിക്കുന്നത്. രണ്ടു ചിത്രങ്ങളിലെയും ഗാനങ്ങൾ, ഇതിന്റെ ടീസറുകൾ എന്നിവ മികച്ച പ്രേക്ഷക ശ്രദ്ധ നേടിയെടുത്തിരുന്നു. ഏതായാലും പ്രേക്ഷകർ ഈ രണ്ടു ചിത്രങ്ങളേയും ഇരു കയ്യും നീട്ടി സ്വീകരിക്കും എന്ന് തന്നെയാണ് അണിയറ പ്രവർത്തകരുടെ പ്രതീക്ഷ.
