നടി എന്ന നിലയിലും നർത്തകി എന്ന നിലയിലും ഏറെ പ്രശസ്തയായ കലാകാരി ആണ് ഉത്തര ഉണ്ണി. മലയാള സിനിമയിലെ പ്രശസ്ത നടിമാരിൽ ഒരാളായ ഊർമിള ഉണ്ണിയുടെ മകൾ കൂടിയാണ് ഈ കലാകാരി. ഉത്തര ഉണ്ണി ഉടനെ തന്നെ വിവാഹിതയാവാൻ പോവുകയാണ് എന്ന വാർത്തയാണ് ഇപ്പോൾ സോഷ്യൽ മീഡിയയുടെ ശ്രദ്ധ പിടിച്ചു പറ്റുന്നത്. ഈ നടിയുടെ വിഹ നിശ്ചയം നടന്നു കഴിഞ്ഞു. കൊച്ചിയിലെ കുമ്പളത്തെ സ്വകാര്യ റിസോര്‍ട്ടില്‍ വച്ച് ഇവരുടെ കുടുംബങ്ങളും അടുത്ത സുഹൃത്തുക്കളും പങ്കെടുത്ത ചടങ്ങിൽ വെച്ചാണ് ഉത്തര ഉണ്ണിയുടെ വിവാഹ നിശ്ചയം നടന്നത്. പ്രശസ്ത നടി സംയുക്ത വർമ്മയും ഭർത്താവു ബിജു മേനോനും ഈ ചടങ്ങിൽ പങ്കെടുത്തിരുന്നു. ഊർമിള ഉണ്ണിയുടെ അടുത്ത ബന്ധു ആണ് സംയുക്ത വർമ്മ.
കുടുംബവുമൊത്തു ബാംഗ്ലൂരിൽ താമസിക്കുന്ന നിതേഷ് നായർ ആണ് ഉത്തരയുടെ വരൻ. 2020 ഏപ്രില്‍ 5 നാണ് ഇവരുടെ വിവാഹം നിശ്ചയിച്ചിരിക്കുന്നത്. UTIZ എന്ന കമ്പനിയുടെ ഉടമ കൂടിയായ നിതേഷ് വളരെ വേറിട്ട രീതിയിൽ ആണ് ഉത്തരയോട് വിവാഹാഭ്യർത്ഥന നടത്തിയത്. വിവാഹ മോതിരം ഉത്തരയുടെ കൈകളില്‍ അണിയിച്ചു കാലില്‍ ചിലങ്ക കൂടി കെട്ടി കൊടുത്താണ് വിവാഹ നിശ്ചയം പൂർത്തീകരിച്ചത്. ഈ വ്യത്യസ്തമായ രീതിയിൽ ഉള്ള വിവാഹ നിശ്ചയത്തിന്റെ വീഡിയോയും ഇപ്പോൾ സോഷ്യൽ മീഡിയയുടെ ശ്രദ്ധ നേടിയെടുക്കുകയാണ്. ഒട്ടേറെ സ്റ്റേജ് ഷോകളിലൂടെയും ഉത്തര ഉണ്ണി പ്രശസ്തയാണ്. ഇടവപ്പാതി എന്ന മലയാള സിനിമയിലും വവ്വാൽ പസങ്ങ എന്ന തമിഴ് സിനിമയിൽ ഉത്തര ഉണ്ണി അഭിനയിച്ചിട്ടുണ്ട്.
https://www.instagram.com/p/B7NT2C1AVm7/
