Advertisement
1993 ല്‍ റിലീസ് ചെയ്ത, സൂപ്പർ ഹിറ്റ് ജയറാം- രാജസേനൻ ചിത്രമായ മേലേപ്പറമ്പിൽ ആൺവീടിന് രണ്ടാം ഭാഗം. ഗിരീഷ് പുത്തഞ്ചേരി എഴുതിയ ഒരു മൂല കഥയെ ആസ്പദമാക്കി രഘുനാഥ് പലേരി രചിച്ച ചിത്രമാണ് മേലേപ്പറമ്പിൽ ആൺവീട്. ഇപ്പോഴിതാ ഈ ചിത്രത്തിന്റെ രണ്ടാം ഭാഗം ഒരുക്കാൻ പോവുകയാണെന്ന് വെളിപ്പെടുത്തിയിരിക്കുകയാണ് നടനും സംവിധായകനും നിർമ്മാതാവും രാഷ്ട്രീയ പ്രവർത്തകനുമായ മാണി സി കാപ്പൻ. രാജസേനൻ ആയിരിക്കും ഈ രണ്ടാം ഭാഗവും ഒരുക്കുക എന്നും ചിത്രത്തിന്റെ ജോലികൾ വൈകാതെ ആരംഭിക്കുമെന്നും അദ്ദേഹം പറഞ്ഞു. പഴയ ചിത്രത്തിൽ അഭിനയിച്ചവരിൽ വിജയരാഘവൻ, ഇന്ദ്രൻസ് എന്നിവർ മാത്രമേ പുതിയ ചിത്രത്തിന്റെ ഭാഗമാകു എന്നും പുതിയ താരനിരയിലാകും രണ്ടാം ഭാഗം ഉണ്ടാവുകയെന്നും അദ്ദേഹം മാധ്യമങ്ങളോട് വെളിപ്പെടുത്തി
