Tuesday, May 24

വിജയ് സേതുപതി നായകനായിയെത്തുന്ന ‘ജുംഗ’ സിനിമയുടെ ട്രൈലർ പുറത്തിറങ്ങി…

Google+ Pinterest LinkedIn Tumblr +
Want create site? Find Free WordPress Themes and plugins.

തമിഴ് സിനിമയിലെ മക്കൾ സെൽവൻ എന്ന് അറിയപ്പെടുന്ന വ്യക്തിയാണ് വിജയ് സേതുപതി. ‘കറുപ്പൻ’, ‘ഒരു നല്ല നാൾ പാത്ത് സോൾരേൻ’ എന്നീ സൂപ്പർഹിറ്റുകൾ സമ്മാനിച്ച വിജയ് സേതുപതിയുടെ അടുത്ത ചിത്രത്തിന് വേണ്ടിയാണ് സിനിമ സ്നേഹികൾ കാത്തിരിക്കുന്നത്. അദ്ദേഹത്തിന്റെ അണിയറയിൽ ഒരുങ്ങിക്കൊണ്ടിരിക്കുന്ന ചിത്രമാണ് ‘ജുംഗ’. ഗോകുൽ സംവിധാനം ചെയ്യുന്ന ഈ ചിത്രത്തിൽ സയേഷ, മോഡേണ സെബാസ്റ്റ്യൻ എന്നിവർ നായികമാരായി എത്തുന്നു. വിജയ് സേതുപതി പ്രൊഡക്ഷന്റെ ബാനറിൽ അരുൺ പാണ്ഡ്യനും വിജയ് സേതുപതിയും ചേർന്നാണ് ചിത്രം നിർമ്മിക്കുന്നത്.

ജുംഗ സിനിമയുടെ ട്രൈലറാണ് സോഷ്യൽ മീഡിയയിൽ ഇപ്പോൾ ചർച്ച വിഷയം. വ്യതസ്തമായ ലുക്കിൽ പ്രത്യക്ഷപ്പെടുന്ന വിജയ് സേതുപതി തന്നെയാണ് ട്രെയ്‌ലറിലെ പ്രധാന ആകർഷണം. കോമഡിക്കും, ആക്ഷനും തുല്യ പ്രാധാന്യം നൽകിയാണ് ചിത്രീകരിച്ചിരിക്കുന്നത്. ഏറെ പ്രതീക്ഷകൾ സമ്മാനിക്കുന്ന ട്രെയ്‌ലർ പതിവ് പോലെ വിജയ് സേതുപതിയുടെ ഒരു പരീക്ഷണ ചിത്രം തന്നെയായിരിക്കും എന്ന് ട്രെയ്‌ലർ സൂചിപ്പിക്കുന്നുണ്ട്. ചിത്രത്തിന് വേണ്ടി തിരക്കഥ ഒരുക്കിയിരിക്കുന്നത് ഗോകുലാണ്. ട്രെയ്‌ലറിൽ സൂചിപ്പിക്കുന്നത് പോലെ തമിഴിൽ ഇന്നേവരെ വരാത്ത ഒരു അധോലോക ചിത്രമായിരിക്കും ‘ജുഗ’.

യോഗി ബാബു, ശരണ്യ തുടങ്ങിയവർ പ്രധാന വേഷത്തിൽ ചിത്രത്തിലെത്തുന്നുണ്ട്. സിദ്ധാർഥ് വിപിനാണ് സംഗീതം ഒരുക്കിയിരിക്കുന്നത്. ഛായാഗ്രഹണം നിർവഹിച്ചിരിക്കുന്നത് ഡൂഡിലീയാണ്. ചിത്രത്തിന്റെ എഡിറ്റിങ് വർക്കുകൾ കൈകാര്യം ചെയ്തിരിക്കുന്നത് സാബു ജോസഫാണ്. വിജയ് സേതുപതി പ്രൊഡക്ഷന്റെ ബാനറിൽ ഈ വർഷം തന്നെ ചിത്രം പ്രദർശനത്തിനെത്തും.

Did you find apk for android? You can find new Free Android Games and apps.
Share.

About Author