Tuesday, May 24

സി.ഇ.ഒ ഓഫ് ഇന്ത്യ; ദി മോണ്‍സ്റ്റര്‍ സോംഗ് സൂപ്പർ ഹിറ്റ്; വീഡിയോ കാണാം…!

Google+ Pinterest LinkedIn Tumblr +
Want create site? Find Free WordPress Themes and plugins.

ഇപ്പോൾ ഇന്ത്യ മുഴുവൻ തരംഗമായി മാറിയിരിക്കുകയാണ് റോക്കിങ് സ്റ്റാർ യാഷ് നായകനായി എത്തിയ കെ ജി എഫ് 2 എന്ന ചിത്രം. ബോക്സ് ഓഫീസിൽ ആയിരം കോടി എന്ന മാന്ത്രിക സംഖ്യയിലേക്കു കുതിക്കുന്ന ഈ ചിത്രം സംവിധാനം ചെയ്തത് പ്രശാന്ത് നീൽ ആണ്. ഹോംബാലെ ഫിലിമ്സിന്റെ ബാനറിൽ വിജയ് കിരാഗേന്ദുർ നിർമ്മിച്ചിരിക്കുന്ന ഈ ചിത്രത്തിലെ ഓരോ ഡയലോഗുകളും ഇതിലെ ഗാനങ്ങളും സൂപ്പർ ഹിറ്റാണ്. ഇപ്പോഴിതാ, ഇതിലെ ദി മോൺസ്റ്റർ സോങ് എന്ന ഗാനം റിലീസ് ചെയ്തിരിക്കുകയാണ്. ഇതിന്റെ വീഡിയോ ആണ് ഇപ്പോൾ സോഷ്യൽ മീഡിയയിൽ വൈറൽ ആയി മാറിയിരിക്കുന്നത്. ഒരു പ്രൊമോഷണൽ ഗാനമായിട്ടാണ് ദി മോൺസ്റ്റർ സോങ് അവർ പുറത്തു വിട്ടിരിക്കുന്നത്.

അദിതി സാഗർ വരികൾ എഴുതിയ ഈ ഗാനം ആലപിച്ചിരിക്കുന്നതും അവർ തന്നെയാണ്. രവി ബസ്‌റൂർ സംഗീതമൊരുക്കിയ ഈ ഗാനത്തിന് നൃത്ത സംവിധാനം നിർവഹിച്ചിരിക്കുന്നത് ഹർഷ ആണ്. ചിത്രത്തിന്റെ അവസാനം വരുന്ന ഗാനമാണ് ദി മോണ്‍സ്റ്റര്‍ സോങ്. മലയാളം, തമിഴ്, തെലുങ്കു, ഹിന്ദി ഭാഷകളിലും ഈ കന്നഡ ചിത്രം ഡബ്ബ് ചെയ്തു റിലീസ് ചെയ്തിരുന്നു. ഹിന്ദി വേർഷൻ മാത്രം മുന്നൂറു കോടിക്കു മുകളിൽ ആണ് കളക്ഷൻ നേടിയത്. കെ ജി എഫ് ആദ്യ ഭാഗത്തിലെയും ഗാനങ്ങൾ സൂപ്പർ ഹിറ്റായി മാറിയിരുന്നു. ഈ രണ്ടു ഭാഗങ്ങളുടെയും വിജയത്തിൽ വളരെ നിർണ്ണായകമായ പങ്കാണ് രവി ബസ്‌റൂർ ഒരുക്കിയ ഗാനങ്ങൾക്കും ഇതിന്റെ പശ്‌ചാത്തല സംഗീതത്തിനും ഉള്ളത്. ബോളിവുഡ് താരം സഞ്ജയ് ദത് വില്ലനായി എത്തിയ ഈ ചിത്രത്തിൽ, രവീണ ടണ്ഠൻ, ശ്രീനിഥി ഷെട്ടി എന്നിവരും പ്രധാന വേഷങ്ങൾ ചെയ്തിട്ടുണ്ട്.

Did you find apk for android? You can find new Free Android Games and apps.
Share.

About Author