Tuesday, May 24

പ്രണവ് മോഹൻലാലിനും അപരൻ; കുഞ്ചാക്കോ ബോബൻ പങ്കു വെച്ച വീഡിയോ വൈറൽ..!

Google+ Pinterest LinkedIn Tumblr +
Want create site? Find Free WordPress Themes and plugins.

പ്രശസ്ത നടൻ കുഞ്ചാക്കോ ബോബൻ ഇന്ന് തന്റെ ഇൻസ്റ്റഗ്രാമിലൂടെ പങ്കു വെച്ച വീഡിയോ ആണ് ഇപ്പോൾ വലിയ ശ്രദ്ധ നേടുന്നത്. ഒരു തമാശ പോലെയാണ് അദ്ദേഹം ആ വീഡിയോ പങ്കു വെച്ചിരിക്കുന്നത്. വെളുപ്പിനെ നടക്കാൻ ഇറങ്ങിയ ചാക്കോച്ചൻ അപ്രതീക്ഷിതമായി ഒരാളെ കാണുന്നതും , പ്രണവ് മോഹൻലാൽ എന്ന് വിളിച്ചു കൊണ്ട് അയാളോട് സംസാരിക്കുന്നതും ആണ് വീഡിയോയിൽ കാണാൻ സാധിക്കുന്നത്. എന്നാൽ അത് പ്രണവ് മോഹൻലാൽ അല്ലെന്നും അദ്ദേഹത്തിന്റെ ഛായ ഉള്ള മറ്റൊരാൾ ആണെന്നും കുഞ്ചാക്കോ ബോബൻ തന്നെ ആ വീഡിയോക്കു ഇട്ട ക്യാപ്‌ഷൻ കാണുമ്പോൾ ആണ് മനസ്സിലാവുന്നത്. പ്രണവ് മോഹൻലാൽ ലൈറ്റ് വെർഷനെ അപ്രതീക്ഷിതമായി കണ്ടപ്പോൾ എന്നാണ് കുഞ്ചാക്കോ ബോബൻ രസകരമായി കുറിച്ചിരിക്കുന്നത്. ബിബിൻ തൊടുപുഴ എന്ന വ്യക്തിയാണ് അതെന്നും കുഞ്ചാക്കോ ബോബൻ വീഡിയോക്ക് താഴെ കുറിച്ചിട്ടുണ്ട്.

പ്രണവ് മോഹൻലാൽ എന്ന യുവ താരം, തന്റെ യാത്രാകമ്പത്തിന്റെ പേരിലും ലാളിത്യത്തിന്റെ പേരിലും വളരെ പോപ്പുലർ ആണ്. പല മലയാളി യാത്രികരും അവരുടെ യാത്രക്കിടയിൽ ഒരു സാധാരണക്കാരനെ പോലെ യാത്ര ചെയ്യുന്ന പ്രണവിനെ കണ്ടു മുട്ടാറുണ്ട്. അവർ അതിന്റെ വീഡിയോ, ചിത്രങ്ങൾ എന്നിവയും സോഷ്യൽ മീഡിയയിൽ പങ്കു വെക്കാറുണ്ട്. അത്തരം ഒട്ടേറെ വീഡിയോകൾ ആണ് സോഷ്യൽ മീഡിയയിൽ വൈറൽ ആകാറുള്ളത്. അതിന്റെ പശ്‌ചാത്തലത്തിലാണ്‌ കുഞ്ചാക്കോ ബോബൻ പങ്കു വെച്ച ഈ വീഡിയോ രസകരമാകുന്നത്. മഹേഷ് നാരായണൻ ഒരുക്കുന്ന അറിയിപ്പ് എന്ന ചിത്രമാണ് ഇപ്പോൾ കുഞ്ചാക്കോ ബോബൻ ചെയ്യുന്നത്. സ്വന്തം നിർമ്മാണ കമ്പനിയായ ഉദയായുടെ ബാനറിൽ കുഞ്ചാക്കോ ബോബൻ തന്നെയാണ് ഈ ചിത്രം നിർമ്മിക്കുന്നതും.

Did you find apk for android? You can find new Free Android Games and apps.
Share.

About Author