Tuesday, October 4

ഞെട്ടിക്കാൻ ലാൽ ജോസ്; വമ്പൻ ശ്രദ്ധ നേടി സോളമന്റെ തേനീച്ചകൾ ട്രൈലെർ; വീഡിയോ കാണാം

Google+ Pinterest LinkedIn Tumblr +
Want create site? Find Free WordPress Themes and plugins.

മലയാളത്തിന്റെ സൂപ്പർ ഹിറ്റ് സംവിധായകൻ ലാൽ ജോസ് ഒരുക്കിയ ഏറ്റവും പുതിയ ചിത്രമാണ് സോളമന്റെ തേനീച്ചകൾ. വരുന്ന ഓഗസ്റ്റ് പതിനെട്ടിന് റിലീസ് ചെയ്യാൻ പോകുന്ന ഈ ചിത്രത്തിന്റെ ട്രെയ്‌ലറാണ് ഇപ്പോൾ സോഷ്യൽ മീഡിയയുടെ ശ്രദ്ധ നേടുന്നത്. ജോജു ജോര്‍ജ്ജ്, ജോണി ആന്റണി, ദര്‍ശന സുദര്‍ശന്‍, വിൻസി അലോഷ്യസ് എന്നിവർ പ്രധാന വേഷങ്ങൾ ചെയ്യുന്ന ഈ ചിത്രം ഒരു ത്രില്ലർ മൂഡിലാണ് ഒരുക്കിയിരിക്കുന്നതെന്നാണ് ഇതിന്റെ ട്രൈലെർ നമ്മുക്ക് കാണിച്ചു തരുന്നത്. പോലീസ് വേഷത്തിൽ ജോജു ജോർജ് എത്തുന്ന ഈ ചിത്രത്തിന്റെ നിർമ്മാണം നിർവഹിച്ചിരിക്കുന്നത് ലാൽ ജോസിന്റെ എൽ ജെ ഫിലിംസ് തന്നെയാണ്. പി ജി പ്രഗീഷ് രചിച്ച ഈ ചിത്രത്തിന് സംഗീതമൊരുക്കിയത് വിദ്യാസാഗർ, ക്യാമറ ചലിപ്പിച്ചത് അജ്മൽ സാബു എന്നിവരാണ്. രഞ്ജൻ എബ്രഹാമാണ് ഈ ചിത്രത്തിന്റെ എഡിറ്റിംഗ് നിർവഹിച്ചത്.

ശംഭു, ആഡിസ് ആന്റണി അക്കര, ഷാജു ശ്രീധര്‍, ബിനു പപ്പു, മണികണ്ഠന്‍ ആചാരി, ശിവജി ഗുരുവായൂര്‍, സുനില്‍ സുഖദ, ശിവ പാര്‍വതി, രശ്‍മി, പ്രസാദ് മുഹമ്മ, നേഹ റോസ്, റിയാസ് മറിമായം, ഷാനി, അഭിനവ് മണികണ്ഠന്‍, ഖാലിദ് മറിമായം, ഹരീഷ് പേങ്ങന്‍, ദിയ, ചാക്കോച്ചി, ഷൈനി വിജയന്‍, ഫെവിന്‍ പോള്‍സണ്‍, ജിഷ രജിത്, ഷഫീഖ്, സലീം ബാബ, മോഹനകൃഷ്‍ണന്‍, ലിയോ, വിമല്‍, ഉദയന്‍, ഫെര്‍വിന്‍ ബൈതര്‍, രജീഷ് വേലായുധന്‍, അലന്‍ ജോസഫ് സിബി, രാഹുല്‍ രാജ്, ജയറാം രാമകൃഷ്‍ണ, ജോജോ, ശിവരഞ്‍ജിനി, മെജോ, ആദ്യ, വൈഗ, ആലീസ്, മേരി, ബിനു രാജന്‍, രാജേഷ്, റോബര്‍ട്ട് ആലുവ, അഭിലോഷ്, അഷറഫ് ഹംസ തുടങ്ങി അഭിനേതാക്കളുടെ ഒരു നീണ്ട നിരതന്നെ ഈ ചിത്രത്തിന്റെ ഭാഗമായിട്ടുണ്ട്. ഈ ചിത്രത്തിന്റെ ഗൾഫ് വിതരണാവകാശം നേടിയിരിക്കുന്നത് സ്റ്റാർസ് ഹോളീഡേ ഫിലിംസാണ്. തന്റെ പതിവ് ശൈലിയിൽ നിന്നും മാറിയാണ് ലാൽ ജോസ് ഈ ചിത്രമൊരുക്കിയതെന്ന ഫീലാണ് ഇതിന്റെ ട്രൈലെർ പ്രേക്ഷകർക്ക് നൽകുന്നത്.

Did you find apk for android? You can find new Free Android Games and apps.
Share.

About Author