Tuesday, June 28

പ്രിയദർശനായി ഷറഫുദ്ദീന്‍; പ്രിയൻ ഓട്ടത്തിലാണ് ട്രൈലെർ കാണാം..!

Google+ Pinterest LinkedIn Tumblr +
Want create site? Find Free WordPress Themes and plugins.

പ്രശസ്ത മലയാള താരം ഷറഫുദീൻ നായകനായെത്തുന്ന ഏറ്റവും പുതിയ ചിത്രമാണ് പ്രിയൻ ഓട്ടത്തിലാണ്. പ്രിയദർശൻ എന്ന് പേരുള്ള കേന്ദ്ര കഥാപാത്രമായി ഷറഫുദീനെത്തുന്ന ഈ ചിത്രത്തിന്റെ ട്രൈലെർ രണ്ട് ദിവസം മുൻപാണ് റിലീസ് ചെയ്തത്. മികച്ച പ്രേക്ഷക ശ്രദ്ധയാണ് ഈ ട്രൈലെർ നേടിയെടുക്കുന്നത്. ആന്റണി സോണി സംവിധാനം ചെയ്തിരിക്കുന്ന ഈ ചിത്രത്തിൽ ഷറഫുദീൻ കൂടാതെ നൈല ഉഷ, അപര്‍ണ ദാസ് എന്നിവരാണ് കേന്ദ്ര കഥാപാത്രങ്ങളെ അവതരിപ്പിക്കുന്നത്. എവിടെയും താമസിച്ചെത്തുന്ന പ്രിയദർശനായി ഷറഫുദീനെത്തുന്ന ഈ ചിത്രത്തിന്റെ ട്രൈലെർ സൂചിപ്പിക്കുന്നത് പ്രേക്ഷകർക്ക് ഒട്ടേറെ ചിരിക്കാനുള്ള വക ഈ ചിത്രം നൽകുമെന്നാണ്. ഏറെ ശ്രദ്ധ നേടിയ മഞ്ജു വാര്യർ- ഷെയിൻ നിഗം ചിത്രം C/O സൈറ ബാനുവിന് ശേഷം ആന്റണി സോണി സംവിധാനം ചെയ്യുന്ന ചിത്രമാണിത്.

അനാർക്കലി മരക്കാർ, ബിജു സോപാനം, ജാഫർ ഇടുക്കി, സ്മിനു സിജു തുടങ്ങിയവരും അഭിനയിച്ചിരിക്കുന്ന ഈ ചിത്രം രചിച്ചിരിക്കുന്നത് അഭയകുമാർ കെ, അനിൽ കുര്യൻ എന്നിവർ ചേർന്നാണ്. സന്തോഷ് ത്രിവിക്രമനാണ് ഈ ചിത്രം നിർമ്മിച്ചിരിക്കുന്നത്. പി എം ഉണ്ണികൃഷ്ണൻ ഛായാഗ്രഹണം നിർവഹിച്ചിരിക്കുന്ന ഈ ചിത്രം എഡിറ്റ് ചെയ്തിരിക്കുന്നത് ജോയലും സംഗീതം നിർവഹിച്ചിരിക്കുന്നത് ലിജിൻ ബംബീനോയുമാണ്. വൗ സിനിമാസിന്റെ ബാനറിലാണ് ഈ ചിത്രം നിർമ്മിച്ചിരിക്കുന്നത്. സരേഗമ മലയാളത്തിന്റെ യൂട്യൂബ് ചാനലിലൂടെ റിലീസ് ചെയ്തിരിക്കുന്ന ഇതിന്റെ ട്രൈലെർ ഇതിനോടകം അഞ്ചു ലക്ഷത്തിലധികം കാഴ്ചക്കാരെയാണ് നേടിയെടുത്തിരിക്കുന്നതു. സു സു സുധി വാത്മീകം, ചതുർമുഖം, പുണ്യാളൻ അഗർബത്തീസ് എന്നീ സൂപ്പർ ഹിറ്റുകൾ രചിച്ചതും ഈ ചിത്രത്തിന്റെ രചയിതാക്കളായ അഭയകുമാർ കെ, അനിൽ കുര്യൻ എന്നിവർ ചേർന്നാണ്.

Did you find apk for android? You can find new Free Android Games and apps.
Share.

About Author