ഉലക നായകന്റെ ശബ്ദത്തിൽ വീണ്ടുമൊരടിപൊളി ഗാനം; അനിരുദ്ധിന്റെ സംഗീതത്തിൽ വിക്രമിലെ ആദ്യ ഗാനമെത്തി.

Google+ Pinterest LinkedIn Tumblr +
Want create site? Find Free WordPress Themes and plugins.

ഉലക നായകൻ കമൽ ഹാസനെ നായകനാക്കി ലോകേഷ് കനകരാജ് ഒരുക്കിയ പുതിയ ചിത്രമാണ് വിക്രം. ഇപ്പോഴിതാ ഈ ചിത്രത്തിലെ ആദ്യ ഗാനം റിലീസ് ചെയ്തിരിക്കുകയാണ്. കമൽ ഹാസൻ തന്നെ പാടിയ ഈ ഗാനത്തിന് ഈണം പകർന്നിരിക്കുന്നത് അനിരുദ്ധ് രവിചന്ദറാണ്. പാത്തല പാത്തല എന്ന വരികളോടെ തുടങ്ങുന്ന ഒരടിപൊളി ഗാനമാണ് ഉലക നായകന്റെ ശബ്ദത്തിൽ അനിരുദ്ധ് പ്രേക്ഷകരുടെ മുന്നിലെത്തിച്ചിരിക്കുന്നതു. ജൂൺ മൂന്നിന് ആഗോള റിലീസായി എത്തുന്ന ഈ ചിത്രത്തിന്റെ ഓഡിയോ ലോഞ്ച്, ട്രൈലെർ റിലീസ് എന്നിവ മെയ് പതിനഞ്ചിനാണ്‌ നടക്കുക. വിജയ് നായകനായ മാസ്റ്ററിന്‍റെ വന്‍ വിജയത്തിനു ശേഷം ലോകേഷ് കനകരാജ് സംവിധാനം ചെയ്ത ഈ ചിത്രത്തിൽ വമ്പൻ താരനിരയാണുള്ളത്. ഫഹദ് ഫാസിൽ, മക്കൾ സെൽവൻ വിജയ് സേതുപതി, ചെമ്പൻ വിനോദ്, കാളിദാസ് ജയറാം, നരെയ്ൻ, ശിവാനി നാരായണൻ, അർജുൻ ദാസ് തുടങ്ങിയവരാണ് ഇതിൽ കമൽ ഹാസനൊപ്പം അഭിനയിച്ചിരിക്കുന്നത്.

കമൽ ഹാസൻ തന്നെ, തന്റെ നിർമ്മാണ ബാനർ ആയ രാജ് കമൽ ഇന്റർനാഷനലിന്റെ കീഴിൽ നിർമ്മിച്ചിരിക്കുന്ന ഈ ചിത്രത്തിന് സംഗീതമൊരുക്കിയത് അനിരുദ്ധ് രവിചന്ദർ, കാമറ ചലിപ്പിച്ചത് മലയാളിയായ ഗിരീഷ് ഗംഗാധരൻ, എഡിറ്റ് ചെയ്തിരിക്കുന്നത് ഫിലോമിൻ രാജ് എന്നിവരാണ്. ആർ മഹേന്ദ്രനാണ് ഈ ചിത്രത്തിന്റെ സഹനിർമ്മാതാവ്. കേരളത്തിൽ ഷിബു തമീൻസിന്റെ നേതൃത്വത്തിൽ റിയാ ഷിബുവിന്റെ എച്ച് ആർ പിക്‌ചേഴ്‌സാണ് ഈ ചിത്രം ജൂൺ മൂന്നിന് വിതരണം ചെയ്യുന്നത്. 125 കോടി രൂപയാണ് ഈ ചിത്രത്തിന് ഒറ്റിറ്റി റൈറ്റ്സ് വഴി മാത്രം ലഭിച്ചിരിക്കുന്നത് എന്ന റിപ്പോർട്ടുകളും ഈയടുത്തിടെ സോഷ്യൽ മീഡിയയിൽ വൈറലായി മാറിയിരുന്നു.

Did you find apk for android? You can find new Free Android Games and apps.
Share.

About Author