Monday, December 11

ഒടിയന്റെ രണ്ടാം ലൊക്കേഷൻ ടീസർ എത്തി; ആരാധകർ ആവേശത്തിൽ..!

Google+ Pinterest LinkedIn Tumblr +
Want create site? Find Free WordPress Themes and plugins.

മോഹൻലാലിനെ നായകനാക്കി വി എ ശ്രീകുമാർ മേനോൻ സംവിധാനം ചെയ്യുന്ന ഒടിയൻ എന്ന ഫാന്റസി ത്രില്ലർ ഇപ്പോൾ അതിന്റെ ചിത്രീകരണ ഘട്ടത്തിൽ ആണ്. ഇനിയും ഏകദേശം അറുപതു ദിവസത്തെ ചിത്രീകരണം കൂടി ബാക്കിയുള്ള ഈ ചിത്രം മലയാളത്തിലെ ഏറ്റവും മുതൽ മുടക്കുള്ള ചിത്രമായി ആണ് ഒരുങ്ങുന്നത്. ചിത്രീകരണം കഴിഞ്ഞിട്ടില്ലെങ്കിലും ഈ ചിത്രത്തിന്റെ മാർക്കറ്റിങ് അവിശ്വസനീയമായ വേഗത്തിൽ ആണ് മുന്നോട്ടു പോകുന്നത്.

ഈ ചിത്രം ഷൂട്ടിംഗ് ആരംഭിച്ച കാശിയിലെ ലൊക്കേഷനിൽ നിന്നായിരുന്നു ചിത്രത്തിന്റെ ആദ്യ ടീസർ പുറത്തു വന്നു. ഒരു ലൊക്കേഷൻ വീഡിയോ എന്ന് പറയാമെങ്കിലും ഗംഭീര പശ്ചാത്തല സംഗീതത്തിന്റെ അകമ്പടിയോടെ നായകനായ മോഹൻലാൽ തന്റെ കഥാപാത്രത്തിന്റെ മുന്നോട്ടുള്ള പ്രയാണത്തെ കുറിച്ച് വിശദീകരിക്കുന്ന ഒരു ചെറിയ വീഡിയോ ആയിരുന്നു അത്.

Odiyan "Manikyan" from Thenkurissi

Odiyan "Manikyan" from Thenkurissi

Posted by Mohanlal on Wednesday, November 22, 2017

അതുപോലെ തന്നെ ഇപ്പോൾ രണ്ടാം ടീസർ എത്തി കഴിഞ്ഞിരിക്കുന്നു. ചിത്രത്തിന്റെ ഇപ്പോഴത്തെ ലൊക്കേഷനായ പാലക്കാടു നിന്നാണ് ഈ രണ്ടാം ടീസർ വന്നിരിക്കുന്നത്. ഒടിയൻ മാണിക്യൻ എന്ന തന്റെ കഥാപാത്രത്തിന്റെ തേൻകുറിശി എന്ന ഗ്രാമത്തെ കുറിച്ച് മോഹൻലാൽ വിശദീകരിക്കുന്ന വീഡിയോ ആണ് പുതിയ ടീസർ.
ഇതിലും ഗംഭീര പശ്ചാത്തല സംഗീതത്തിന്റെ അകമ്പടിയോടെയാണ് ദൃശ്യങ്ങൾ വന്നിരിക്കുന്നത്. മോഹൻലാലിന് പുറമെ പ്രകാശ് രാജ്, മഞ്ജു വാര്യർ, സിദ്ദിഖ്, നരെയ്ൻ, ഇന്നസെന്റ്, നന്ദു, സന അൽത്താഫ്, കൈലാഷ് എന്നിവരും ഈ ചിത്രത്തിന്റെ താര നിരയുടെ ഭാഗം ആണ്.

പീറ്റർ ഹെയ്‌ൻ ഒരുക്കുന്ന വമ്പൻ സംഘട്ടന രംഗങ്ങൾ ഉള്ള ഈ ചിത്രത്തിന് ദൃശ്യങ്ങൾ ഒരുക്കുന്നത് ഷാജി കുമാർ ആണ്. എം ജയചന്ദ്രൻ ഗാനങ്ങളും സാം സി എസ് പശ്ചാത്തല സംഗീതവും ഒരുക്കുന്ന ചിത്രത്തിൽ ഏകദേശം ഏഴു കോടി രൂപയുടെ വി എഫ് എക്സ് ജോലികൾ മാത്രം ഉണ്ടെന്നാണ് സൂചന. ജനുവരി പകുതിയോടെ മാത്രമേ ഈ ചിത്രത്തിന്റെ ഷൂട്ടിംഗ് അവസാനിക്കൂ. മോഹൻലാൽ ശരീര ഭാരം കുറച്ചു, തന്റെ പുതിയ ലുക്കിൽ ഈ ചിത്രത്തിന്റെ അവസാന ഷെഡ്യൂളിൽ ഡിസംബർ അഞ്ചിന് ജോയിൻ ചെയ്യും.

Did you find apk for android? You can find new Free Android Games and apps.
Share.

About Author

mm