ലേഡി സൂപ്പർ സ്റ്റാർ അല്ല, ഇത് സൂപ്പർ സ്റ്റാർ തന്നെയെന്ന് ആരാധകർ; വൈറലായി മീര ജാസ്മിന്റെ വീഡിയോ..!

Advertisement

ഒരിടവേളക്ക് ശേഷം അഭിനയ ജീവിതത്തിലേക്ക് തിരിച്ച വരികയാണ് പ്രശസ്ത നടി മീര ജാസ്മിൻ. മികച്ച നടിക്കുള്ള ദേശീയ പുരസ്‍കാരം വരെ നേടിയ ഈ മലയാള നടി, മലയാളം കൂടാതെ തമിഴ്, തെലുങ്കു, കന്നഡ ഭാഷകളിലും അഭിനയിച്ചു ശ്രദ്ധ നേടിയിട്ടുണ്ട്. ഇപ്പോൾ സത്യൻ അന്തിക്കാട് ഒരുക്കുന്ന പുതിയ ജയറാം ചിത്രത്തിലൂടെ ആണ് മീര ജാസ്മിൻ മലയാള സിനിമയിലേക്ക് മടങ്ങി വരുന്നത്. അത് കൂടാതെ മറ്റു ഭാഷകളിലും അഭിനയിക്കാനുള്ള തയ്യാറെടുപ്പിലാണ് ഈ താരം. ഇപ്പോൾ മീര ജാസ്മിൻ തന്റെ ഇൻസ്റാഗ്രാമിലൂടെ പങ്കു വെച്ച ഒരു വീഡിയോ ആണ് വൈറൽ ആവുന്നത്. ഷൂട്ടിങ്ങിന്റെ ബ്രേക്ക് ടൈമിൽ തന്റെ കാരവാനിൽ സഹായികൾക്കൊപ്പം നൃത്തം ചെയ്യുന്ന മീരയെ ആണ് ഈ വീഡിയോയിൽ നമ്മുക്ക് കാണാൻ സാധിക്കുക. വളരെ ആസ്വദിച്ചു നൃത്തം വെക്കുന്ന മീര ജാസ്മിൻ ഏറെ സന്തോഷവതിയുമാണ്. ഈ വീഡിയോക്ക് വലിയ സ്വീകരണം ലഭിക്കുന്നതിനൊപ്പം ആരാധകർ നൽകുന്ന കമന്ടുകളും ഏറെ ശ്രദ്ധേയമാണ്.

തങ്ങളുടെ ആ പഴയ മീരാജാസ്മിനെ തങ്ങൾക്കു തിരിച്ചുകിട്ടി എന്ന് ചിലർ പറയുമ്പോൾ, ഒരാൾ പറഞ്ഞ വാക്കുകൾ, മീര ചേച്ചിയുടെ എൻട്രിയോട് കൂടി അഭിനയം ലവ ലേശം അറിയാത്ത ന്യൂ ജെൻ ചേച്ചിമാർക് ഒരു ഏഴു മൈൽ ദൂരെ നിക്കാം. ഇതു ലേഡി സൂപ്പർ സ്റ്റാർ അല്ലാ സൂപ്പർ സ്റ്റാർ ആണ്. എന്നാണ്. മലയാള സിനിമയിലെ ഏറ്റവും മികച്ച നടിമാരുടെ കൂട്ടത്തിൽ അറിയപ്പെട്ടിരുന്ന നടിയാണ് മീര ജാസ്മിൻ. ഇരുപതു വർഷം മുൻപ് സൂത്രധാരൻ എന്ന ലോഹിതദാസ്- ദിലീപ് ചിത്രത്തിലൂടെ അരങ്ങേറ്റം കുറിച്ച മീര ജാസ്മിൻ പിന്നീട് മോഹൻലാൽ, മമ്മൂട്ടി, ജയറാം, കുഞ്ചാക്കോ ബോബൻ, പൃഥ്വിരാജ്, എന്നിവരുടെയൊക്കെ നായികാ വേഷം ചെയ്തു. മികച്ച നടിക്കുള്ള കേരളാ സംസ്ഥാന അവാർഡും രണ്ടു തവണ നേടിയ നടിയാണ് മീര ജാസ്മിൻ.

Advertisement

Advertisement

Copyright © 2017 onlookersmedia.

Press ESC to close