പ്രിയനായികമാർക്കൊപ്പം ആടിപാടി രജനികാന്ത്; വീഡിയോ കാണാം..!

Advertisement

സൂപ്പർ സ്റ്റാർ രജനികാന്ത് നായകനായി എത്തുന്ന പുതിയ ചിത്രമാണ് അണ്ണാതെ. സിരുതൈ, വീരം, വേതാളം, വിശ്വാസം തുടങ്ങിയ ബ്ലോക്ക്ബസ്റ്റർ ചിത്രങ്ങൾ ഒരുക്കിയ ശിവ സംവിധാനം ചെയ്ത ഈ ചിത്രം അടുത്ത മാസം ആദ്യം ദീപാവലി റിലീസ് ആയി ലോകം മുഴുവൻ റിലീസ് ചെയ്യാൻ പോവുകയാണ്. ആരാധകർ വമ്പൻ പ്രതീക്ഷയോടെ കാത്തിരിക്കുന്ന ഈ ചിത്രത്തിന്റെ മോഷൻ പോസ്റ്റർ, ടീസർ, ഗാനങ്ങൾ എന്നിവ ഇപ്പോൾ തന്നെ സോഷ്യൽ മീഡിയ കീഴടക്കുകയാണ്. ഇപ്പോഴിതാ ചിത്രത്തിലെ നായികമാർക്കൊപ്പം സൂപ്പർ സ്റ്റാർ ആടിപാടുന്ന ഗാനമാണ് ശ്രദ്ധ നേടുന്നത്. ഈ ചിത്രത്തിൽ ലേഡി സൂപ്പർ സ്റ്റാർ നയൻതാര, ദേശീയ അവാർഡ് ജേതാവ് കീർത്തി സുരേഷ്, പഴയകാല സൂപ്പർ നായികമാരായ ഖുശ്‌ബു, മീന എന്നിവരാണ് പ്രധാന സ്ത്രീ കഥാപാത്രങ്ങളെ അവതരിപ്പിക്കുന്നത്. ഇപ്പോൾ ഈ ചിത്രത്തിലെ മരുധാനി എന്നു തുടങ്ങുന്ന ഗാനരംഗത്തിൽ രജനികാന്തിനൊപ്പം മീന, ഖുശ്ബു, കീർത്തി സുരേഷ് എന്നീ നായികമാർ നൃത്തം വെക്കുന്നത് നമ്മുക്ക് കാണാൻ സാധിക്കും.

Advertisement

ഒരുകാലത്ത് രജനീ ചിത്രങ്ങളിലെ ഹിറ്റ് നായികമാരായിരുന്നു ഖുശ്ബുവും മീനയും. പ്രകാശ് രാജ്, സൂരി, സതീഷ്, ജഗപതി ബാബു എന്നിവരും പ്രധാന വേഷങ്ങൾ ചെയ്യുന്ന ഈ ചിത്രത്തിന് സംഗീതം ഒരുക്കിയിരിക്കുന്നത് ഡി ഇമന്‍ ആണ്. മണി അമുധൻ വരികൾ രചിച്ചിരിക്കുന്ന മേൽ പറഞ്ഞ ഗാനം ആലപിച്ചിരിക്കുന്നത് നകാസ് ആസിസ്, അന്തോണി ദാസൻ, വന്ദന ശ്രീനിവാസൻ എന്നിവർ ചേർന്നാണ്. രജനീകാന്തിന്റെ സഹോദരി വേഷമാണ് ഈ ചിത്രത്തിൽ കീർത്തി സുരേഷ് ചെയ്യുന്നത് എന്നാണ് സൂചന. കീർത്തി സുരേഷ് അവതരിപ്പിക്കുന്ന കഥാപാത്രത്തിന്റെ വിവാഹത്തിന്റെ പശ്ചാത്തലത്തിൽ വരുന്ന ഗാനമാണ് ഇപ്പോൾ പുറത്തു വന്നിരിക്കുന്നത്.

Advertisement

Copyright © 2017 onlookersmedia.

Press ESC to close