ശ്രീഹരി കെ പിള്ളൈ യുടെ തിരക്കഥയിൽ നിതീഷ് പി എച് സംവിധാനം നിർവ്വഹിക്കുകയും രാഹുൽ രാധാകൃഷ്ണൻ ക്യാമറ കൈകാര്യം ചെയ്യുകയും ചെയ്ത ഷോർട് ഫിലിം ആണ് മാർഗരറ്റ്. ഒരുപാട് പരിമിതികൾക്ക് ഉള്ളിൽ നിന്ന് കൊണ്ട് ചെയ്ത ഈ ഷോർട് ഫിലിം സിനിമയെ സ്നേഹിക്കുന്ന ഒരു കൂട്ടം ചെറുപ്പക്കാരുടെ സ്വപ്നങ്ങളിലേക്കുള്ള ആദ്യ ചുവട് വയ്പ്പാണ്. ഒരു മരണവും അതിന്റെ പുറകിലെ രഹസ്യങ്ങൾ ചുരുളഴിക്കുന്ന ചില സംഭവ വികാസങ്ങളുമാണ് ഈ ഹൃസ്വ ചിത്രം നമ്മുടെ മുന്നിൽ അവതരിപ്പിക്കുന്നത്. മികച്ച തിരക്കഥയും കയ്യടമുള്ള സംവിധാനവും കൊണ്ട് ശ്രദ്ധ നേടുന്ന ഈ ഹൃസ്വ ചിത്രത്തിന്റെ ഹൈലൈറ്റ് ഇതിന്റെ കിടിലൻ ക്ലൈമാക്സ് തന്നെയാണ്.
രോഹിത് പിബി ഒരുക്കിയ പശ്ചാത്തല സംഗീതമാണ് ഈ ചിത്രത്തിന്റെ മറ്റൊരു ഹൈലൈറ്റ് എന്ന് പറയാം. പശ്ചാത്തല സംഗീതം ഈ ചിത്രത്തിന്റെ ജീവനായിട്ടുണ്ട് എന്ന് തന്നെ പറയാം. രാഹുൽ രാധാകൃഷ്ണൻ ഒരുക്കിയ ദൃശ്യങ്ങളും മാർഗരറ്റിന്റെ മികവുകളിൽ ഒന്നാണ്. ഒരു സിനിമ പോലെ തോന്നിക്കുന്ന രീതിയിൽ തന്നെ ഈ ഹൃസ്വ ചിത്രം നമ്മുടെ മുന്നിലെത്തിക്കാൻ അണിയറ പ്രവർത്തകർക്ക് സാധിച്ചിട്ടുണ്ട്. പ്രധാന കഥാപാത്രങ്ങളെ അവതരിപ്പിച്ച അമൽ രാജ്, ഉമേഷ്, അജയ് കുമാർ, അരുൺ സത്യൻ, അഖിൽ പൗലോസ് എന്നിവരും മികവ് പുലർത്തി. മ്യൂസിക് 24×7 ന്റെ യൂട്യൂബ് ചാനൽ വഴി റിലീസ് ചെയ്തിരിക്കുന്ന ഈ ഹൃസ്വ ചിത്രം നിർമ്മിച്ചിരിക്കുന്നത് അജിത് പെരുമ്പാവൂരും അഖിൽ പൗലോസും ചേർന്നാണ്. നിങ്ങൾ കാണുക, വിലയിരുത്തുക.പൂർണ്ണമായ ആസ്വാദന സുഖം ലഭിക്കാനായി കാണുമ്പോൾ ഹെഡ് സെറ്റ് ഉപയോഗിച്ച് തന്നെ ഈ ഷോർട്ട് ഫിലിം കാണാൻ ശ്രമിക്കുക.
