Thursday, May 26

മരണത്തിൻ നിറം; നോ വേ ഔട്ട് പ്രോമോ സോങ് എത്തി; വീഡിയോ കാണാം..!

Google+ Pinterest LinkedIn Tumblr +
Want create site? Find Free WordPress Themes and plugins.

രമേശ് പിഷാരടി നായകനായി എത്തുന്ന ഏറ്റവും പുതിയ ചിത്രമാണ് നോ വേ ഔട്ട്. നാളെ റിലീസ് ചെയ്യാൻ പോകുന്ന ഈ ചിത്രത്തിന്റെ ഒരു പ്രോമോ സോങ് ആണ് ഇപ്പോൾ ശ്രദ്ധ നേടുന്നത്. രണ്ടു ദിവസം മുൻപാണ് ഈ പ്രോമോ സോങ് വീഡിയോ റിലീസ് ചെയ്തത്. ഈ ചിത്രത്തിന് വേണ്ടി പ്രശസ്ത റാപ്പർ വേടൻ ആണ് ഈ ഗാനം ചെയ്തിരിക്കുന്നത്. വേടന്റെ യൂട്യൂബ് ചാനലിൽ റിലീസ് ചെയ്തായിരിക്കുന്ന ഈ ഗാനത്തിന് ഇതിനോടകം വലിയ കാഴ്ചക്കാരെയാണ് ലഭിച്ചിരിക്കുന്നത്. വേടൻ രചിച്ചു പാടിയിരിക്കുന്ന മരണത്തിൻ നിറം എന്ന ഈ പ്രോമോ സോങ്ങിന് കാമറ ചലിപ്പിച്ചു, എഡിറ്റ് ചെയ്തിരിക്കുന്നത് ഹൃത്വിക് ശശികുമാർ ആണ്. അഖിൽ രാമചന്ദ്രൻ ആണ് ഈ വീഡിയോയുടെ ക്രിയേറ്റീവ് ഡയറക്ടർ. നേരത്തെ ഈ ചിത്രത്തിലെ വോ ആസ്മാൻ എന്നൊരു ഗാനവും പുറത്തു വന്നു സൂപ്പർ ഹിറ്റ് ആയിരുന്നു.

റെമോ എന്റർടൈൻമെൻറ്സിന്റെ ബാനറിൽ റെമോഷ് എം എസ് നിർമ്മിച്ചിരിക്കുന്ന ഈ ചിത്രത്തിൽ ധർമജൻ ബോൾഗാട്ടി, ബേസിൽ ജോസഫ്, രവീണ എൻ എന്നിവരും അഭിനയിച്ചിട്ടുണ്ട്. നവാഗതനായ നിതിൻ ദേവീദാസ് ഒരുക്കിയ ഈ ചിത്രം ഒരു സർവൈവൽ ത്രില്ലർ ആയാണ് ഒരുക്കിയത്. ഇതിന്റെ ടീസർ, ട്രൈലെർ, അതുപോലെ രമേശ് പിഷാരടി പുറത്തു വിട്ട ഒരു ബിഹൈൻഡ് ദി സീൻ വീഡിയോ എന്നിവയും സൂപ്പർ ഹിറ്റാണ്. വർഗീസ് ഡേവിഡ് കാമറ ചലിപ്പിച്ച ഈ ചിത്രം എഡിറ്റ് ചെയ്തിരിക്കുന്നത് കെ ആർ മിഥുൻ, ഇതിനു ഗാനങ്ങൾ ഒരുക്കിയത് കെ ആർ രാഹുൽ എന്നിവരാണ്.

Did you find apk for android? You can find new Free Android Games and apps.
Share.

About Author