കഥ പറയുന്ന ആ പുഴു; ഞെട്ടിക്കാനൊരുങ്ങി വീണ്ടും മമ്മൂട്ടി; ട്രൈലെർ കാണാം..!

Google+ Pinterest LinkedIn Tumblr +
Want create site? Find Free WordPress Themes and plugins.

മെഗാ സ്റ്റാർ മമ്മൂട്ടി നായകനായെത്തുന്ന ഏറ്റവും പുതിയ ചിത്രങ്ങളിൽ ഒന്നാണ് പുഴു. അദ്ദേഹത്തിന്റെ ആദ്യത്തെ നേരിട്ടുള്ള ഒറ്റിറ്റി റിലീസായി എത്തുന്ന ഈ ചിത്രം, സോണി ലൈവ് പ്ലാറ്റ്‌ഫോമിലാണ് റിലീസ് ചെയ്യാൻ പോകുന്നത്. ഈ ചിത്രത്തിന്റെ പോസ്റ്ററുകൾ, അതുപോലെതന്നെ ഇതിന്റെ ടീസർ എന്നിവ വലിയ രീതിയിലാണ് സോഷ്യൽ മീഡിയ സ്വീകരിച്ചതും ചർച്ച ചെയ്തതും. ഇപ്പോഴിതാ ഇതിന്റെ ട്രൈലെർ കൂടി ഇന്ന് റിലീസായിരിക്കുകയാണ്. ചിത്രത്തിന്റെ സ്വഭാവം എന്താണെന്ന് മനസ്സിലാക്കി തരുന്ന ഈ ട്രൈലെർ, ഇതിലെ പ്രധാന കഥാപാത്രങ്ങളെ കൂടി പ്രേക്ഷകർക്ക് മുന്നിൽ പരിചയപ്പെടുത്തുന്നുണ്ട്. അതോടൊപ്പം ഈ ചിത്രത്തിന്റെ സ്‌ട്രീമിംഗ്‌ ഡേറ്റ് കൂടി ട്രൈലെറിലൂടെ പുറത്തു വിട്ടു. മേയ് പതിമൂന്നിനാണ് ഈ ചിത്രം സ്‌ട്രീമിംഗ്‌ ആരംഭിക്കുക.

നവാഗതയായ രഥീനയാണ് ഈ ചിത്രം സംവിധാനം ചെയ്തിരിക്കുന്നത്. സിന്‍ സില്‍ സെല്ലുലോയ്ഡിന്റെ ബാനറില്‍ എസ്. ജോര്‍ജ്ജ് നിർമ്മിച്ച ഈ ചിത്രം രചിച്ചത്, ഉണ്ട എന്ന ഖാലിദ് റഹ്മാൻ ചിത്രത്തിന് ശേഷം ഹര്‍ഷാദ്, ആഷിഖ് അബു ഒരുക്കിയ വൈറസിന് ശേഷം ഷറഫു, സുഹാസ് കൂട്ടുകെട്ട് എന്നിവർ ചേർന്നാണ്. ദുൽക്കർ സൽമാന്റെ പ്രൊഡക്ഷൻ ബാനറായ വേ ഫെറർ ഫിലിംസും ഈ ചിത്രത്തിന്റെ നിർമ്മാണ പങ്കാളിയാണ്. പാർവതി തിരുവോത്, നെടുമുടി വേണു, ഇന്ദ്രന്‍സ്, മാളവിക മോനോന്‍ തുടങ്ങി നിരവധി പ്രമുഖരായ താരങ്ങൾ ഈ ചിത്രത്തിൽ മമ്മൂട്ടിയോടൊപ്പം പ്രത്യക്ഷപ്പെടുന്നു. പ്രേക്ഷകർ ഏറെ ആകാംഷയോടെ കാത്തിരിക്കുന്ന ഈ ചിത്രത്തിന് കാമറ ചലിപ്പിച്ചത് തേനി ഈശ്വർ, സംഗീതമൊരുക്കിയത് ജേക്സ് ബിജോയ്, എഡിറ്റ് ചെയ്തിരിക്കുന്നത് ദീപു ജോസഫ് എന്നിവരാണ്.

Did you find apk for android? You can find new Free Android Games and apps.
Share.

About Author