കേശു അളിയന് ലോട്ടറി അടിച്ചു 12 കോടി രൂപ; കേശു ഈ വീടിന്റെ നാഥൻ ട്രൈലെർ കാണാം..!

Advertisement

ജനപ്രിയ നായകൻ ദിലീപിന്റെ ഏറ്റവും പുതിയ ചിത്രമായ കേശു ഈ വീടിന്റെ നാഥൻ റിലീസിന് ഒരുങ്ങുകയാണ്. തീയേറ്റർ റിലീസ് ഇല്ലാതെ നേരിട്ട് ഒറ്റിറ്റി പ്ലാറ്റ്‌ഫോമിലാണ് ഈ ചിത്രം റിലീസ് ചെയ്യാൻ പോകുന്നത്. ഡിസ്‌നി പ്ലസ് ഹോട്ട് സ്റ്റാർ റിലീസ് ആയാണ് ഈ ചിത്രം പുറത്തു വരിക. അമർ അക്ബർ അന്തോണി, കട്ടപ്പനയിലെ ഋത്വിക് റോഷൻ എന്നീ സൂപ്പർ ഹിറ്റുകൾക്കും, മേരാ നാം ഷാജി എന്ന ചിത്രത്തിനും ശേഷം നാദിർഷ സംവിധാനം ചെയ്ത ചിത്രമാണ് കേശു ഈ വീടിന്റെ നാഥൻ. ഈ ചിത്രത്തിന്റെ പോസ്റ്ററുകൾ, ദിലീപ് ആലപിച്ച നാരങ്ങാ മിട്ടായി എന്ന ഗാനം, ഒരു മോഷൻ പോസ്റ്റർ, യേശുദാസ് ആലപിച്ച പുന്നാര പൂങ്കാറ്റിൽ എന്ന് തുടങ്ങുന്ന ഗാനത്തിന്റെ വീഡിയോ എന്നിവ പുറത്തു വരികയും വലിയ പ്രേക്ഷക ശ്രദ്ധ നേടുകയും ചെയ്തിരുന്നു. ഇപ്പോഴിതാ ഈ ചിത്രത്തിന്റെ ട്രൈലെർ റിലീസ് ചെയ്തിരിക്കുകയാണ്. ഈ ചിത്രത്തിന് വേണ്ടി ദിലീപ് നടത്തിയ മേക് ഓവർ വലിയ കയ്യടിയാണ് നേടുന്നത്.

ചിത്രത്തിലെ ദിലീപിന്റെ ലുക്കും വമ്പൻ ശ്രദ്ധയാണ് നേടുന്നത്. പൊട്ടിച്ചിരിപ്പിക്കുന്ന കുടുംബ ചിത്രങ്ങളുടെ പട്ടികയിൽ ദിലീപിന്റെ ഈ ചിത്രവും ഇടം പിടിക്കും എന്ന സൂചനയാണ് ഈ ട്രൈലെർ നമ്മുക്ക് നൽകുന്നത്. തമാശയും വൈകാരിക മുഹൂർത്തങ്ങളും എല്ലാം കോർത്തിണക്കി ഒരുക്കിയ ഒരു പക്കാ ഫാമിലി എന്റെർറ്റൈനെർ ആയിരിക്കും കേശു ഈ വീടിന്റെ നാഥൻ എന്ന പ്രതീക്ഷയാണ് ഈ ട്രൈലെർ നമ്മുക്ക് സമ്മാനിക്കുന്നത്. ദിലീപിനൊപ്പം ഉർവശിയും പ്രധാന വേഷം ചെയ്ത ഈ ചിത്രത്തിൽ കലാഭവൻ ഷാജോൺ, ഹരിശ്രീ അശോകൻ, കോട്ടയം നസീർ, ഹരീഷ് കണാരൻ, ജാഫർ ഇടുക്കി, അനുശ്രീ, സ്വാസിക എന്നിവരും അഭിനയിക്കുന്നുണ്ട്. സജീവ് പാഴൂർ രചിച്ച ഈ ചിത്രം ദിലീപും ഡോക്ടർ സക്കറിയ തോമസും കൂടിയാണ് നിർമ്മിച്ചിരിക്കുന്നത്. നാദിർഷ സംഗീതം പകർന്ന ഈ ചിത്രത്തിന് ക്യാമറ ചലിപ്പിച്ചത് അനിൽ നായരും എഡിറ്റ് ചെയ്തത് സാജനുമാണ്.

Advertisement

Advertisement

Copyright © 2017 onlookersmedia.

Press ESC to close