Monday, November 28

ഇന്ത്യൻ മൈക്കൽ ജാക്ക്സനൊപ്പം ചുവട് വെച്ച് ലേഡി സൂപ്പർസ്റ്റാർ; ആയിഷയിലെ ഗാനം കാണാം

Google+ Pinterest LinkedIn Tumblr +
Want create site? Find Free WordPress Themes and plugins.

മലയാളത്തിന്റെ ലേഡി സൂപ്പർസ്റ്റാർ മഞ്ജു വാര്യർ നായികാ വേഷം ചെയ്യുന്ന ഏറ്റവും പുതിയ ചിത്രമായ ആയിഷ റിലീസിനൊരുങ്ങുകയാണ്. മലയാളത്തിന് പുറമെ ഇംഗ്ലീഷിലും അറബിയിലും തമിഴ്, തെലുങ്ക്, ഹിന്ദി, കന്നഡ, തുടങ്ങിയ ഇന്ത്യൻ ഭാഷകളിലും റിലീസ് ചെയ്യാൻ പോകുന്ന ഈ പാൻ ഇന്ത്യൻ ചിത്രം ഒക്ടോബറിലാണ് റിലീസ് ചെയ്യാൻ പോകുന്നത്. ആഷിഫ് കക്കോടി രചിച്ച് നവാഗതനായ ആമിർ പള്ളിക്കൽ സംവിധാനം ചെയ്ത ഈ ചിത്രത്തിലെ ആദ്യ ഗാനത്തിന്റെ ലിറിക് വീഡിയോ ഇപ്പോൾ റിലീസ് ചെയ്തിരിക്കുകയാണ്. ഇന്ത്യൻ മൈക്കൽ ജാക്സണെന്നറിയപ്പെടുന്ന നടനും സംവിധായകനും നർത്തകനുമായ പ്രഭുദേവ നൃത്ത സംവിധാനം ചെയ്തിരിക്കുന്ന ഗാനത്തിന്റെ വീഡിയോയിൽ മഞ്ജു വാര്യർക്ക് ചുവടുകൾ കാണിച്ചു കൊടുക്കുന്ന പ്രഭുദേവയേയും നമ്മുക്ക് കാണാൻ സാധിക്കും. കണ്ണിലെ കണ്ണിലെ എന്ന വരികളോടെ തുടങ്ങുന്ന ഗാനത്തിന്റെ മേക്കിങ് കൂടെ ഈ വീഡിയോയുടെ ഭാഗമാണ്.

എം ജയചന്ദ്രൻ ഈണം നൽകിയ ഈ ഗാനം രചിച്ചത് ബി കെ ഹരിനാരായണൻ, ഡോക്ടർ നൂറ അൽ മർസൂഖി എന്നിവരാണ്. അഹി അജയനാണ് ഈ ഗാനം ആലപിച്ചിരിക്കുന്നത്. മഞ്ജു വാര്യർക്കൊപ്പം, കൃഷ്ണ ശങ്കർ, മോന, രാധിക, സജ്ന, പൂർണിമ, ലത്തീഫ( ടുണീഷ്യ), സലാമ(യു.എ.ഇ.), ജെന്നിഫർ (ഫിലിപ്പൈൻസ് ), സറഫീന (നൈജീരിയ) സുമയ്യ (യമൻ), ഇസ്ലാം (സിറിയ) തുടങ്ങിയവരും അഭിനയിച്ച ഈ ചിത്രം ക്രോസ് ബോർഡർ ക്യാമറയുടെ ബാനറിൽ സക്കറിയ, ഫെദർ ടച്ച് മൂവി ബോക്സ്, ഇമാജിൻ സിനിമാസ്, ലാസ്റ്റ് എക്സിറ്റ് സിനിമാസ് എന്നീ ബാനറുകളിൽ ശംസുദ്ധീൻ, സക്കറിയ വാവാട്, ഹാരിസ് ദേശം, അനീഷ് പി.ബി എന്നിവർ ചേർന്നാണ് നിർമ്മിച്ചത്. ഈ ചിത്രത്തിന് വേണ്ടി ക്യാമറ ചലിപ്പിച്ചത് വിഷ്ണു ശർമയും എഡിറ്റ് ചെയ്തിരിക്കുന്നത് അപ്പു എൻ ഭട്ടതിരിയുമാണ്.

Did you find apk for android? You can find new Free Android Games and apps.
Share.

About Author