Wednesday, January 19

വീണ്ടും സോഷ്യൽ മീഡിയ കീഴടക്കി പ്രണവ് മോഹൻലാൽ; ഹൃദയം ടീസർ കാണാം..!

Google+ Pinterest LinkedIn Tumblr +
Want create site? Find Free WordPress Themes and plugins.

ആരാധകരുടെ ആകാംഷ നിറഞ്ഞ കാത്തിരിപ്പിനൊടുവിൽ ഹൃദയം എന്ന ചിത്രത്തിന്റെ ആദ്യ ടീസർ ഇന്ന് വൈകുന്നേരം ആറ് മണിക്ക് റിലീസ് ചെയ്തു. വിനീത് ശ്രീനിവാസൻ രചിച്ചു സംവിധാനം ചെയ്ത ഈ ചിത്രത്തിൽ പ്രണവ് മോഹൻലാൽ ആണ് നായകനായി എത്തുന്നത്. റിലീസ് ചെയ്ത നിമിഷം മുതൽ സോഷ്യൽ മീഡിയയിൽ വമ്പൻ ഹിറ്റായി മാറിയിരിക്കുകയാണ് ഈ ടീസർ. നേരത്തെ ഈ ചിത്രത്തിലെ ഒരു സോങ് ടീസർ, ദർശനാ സോങ്, അതുപോലെ ഒരു പ്രോമോ വീഡിയോ എന്നിവ പുറത്തു വരികയും വലിയ പ്രേക്ഷക പ്രതികരണം നേടുകയും ചെയ്തിരുന്നു. ഹിഷാം അബ്ദുൽ വഹാബ് ഈണം പകർന്ന ദർശന എന്ന ഗാനം വമ്പൻ ഹിറ്റായി മാറിയത് ചിത്രത്തിന് മുതൽക്കൂട്ടായി മാറിയിട്ടുണ്ട്. അതിനൊപ്പമാണ് ഇന്ന് വന്ന ടീസറും വൈറലായി മാറുന്നത്. നേരത്തെ ഇതിലെ പോസ്റ്ററുകൾക്കും ഗംഭീര വരവേൽപ്പാണ് സോഷ്യൽ മീഡിയ നൽകിയത്.

അടുത്ത വർഷം ജനുവരിയിൽ ആണ്‌ ഹൃദയം തീയേറ്ററിൽ എത്തുന്നത്. മെറിലാൻഡ് സിനിമാസിന്റെ ബാനറില്‍ വിശാഖ് സുബ്രഹ്മണ്യം നിര്‍മിക്കുന്ന ഈ ചിത്രത്തിന് കാമറ ചലിപ്പിച്ചത് വിശ്വജിത്തും എഡിറ്റ് ചെയ്‌തത്‌ രഞ്ജൻ എബ്രഹാമുമാണ്. ഒരു ചെറുപ്പക്കാരന്റെ 17 വയസ്സ് മുതൽ 30 വയസ്സുവരെയുള്ള ജീവിത യാത്രയുടെ കഥയാണ് ഈ ചിത്രം പറയുന്നത് എന്ന് വിനീത് ശ്രീനിവാസൻ പുറത്തു വിട്ടിരുന്നു. കല്യാണി പ്രിയദർശൻ, ദർശന രാജേന്ദ്രൻ എന്നിവർ നായികമാരായി എത്തുന്ന ഹൃദയത്തിൽ അജു വർഗീസും നിർണ്ണായക വേഷം ചെയ്യുന്നുണ്ട്. നേരത്തെ പുറത്തു വന്ന ദർശന എന്ന ഗാനത്തിൽ പ്രണവും ദർശന രാജേന്ദ്രനും ആണ് എത്തിയത് എങ്കിൽ ഇന്ന് പുറത്തു വന്ന ടീസറിൽ പ്രണവിനൊപ്പം കല്യാണി പ്രിയദർശൻ ആണ് എത്തിയിരിക്കുന്നത്.

Did you find apk for android? You can find new Free Android Games and apps.
Share.

About Author