Friday, August 19

ലോക സിനിമയെ ത്രസിപ്പിച്ചു കൊണ്ട് 2.0 യുടെ ട്രൈലെർ; ഇതൊരു മഹാസംഭവം..!

Google+ Pinterest LinkedIn Tumblr +
Want create site? Find Free WordPress Themes and plugins.

ലോക സിനിമയെ തന്നെ ത്രസിപ്പിക്കുന്ന ഒരു ചിത്രം ഇന്ത്യയിൽ നിന്ന് ഉണ്ടാകുമോ എന്ന് ചോദിച്ചവർക്കുള്ള മറുപടിയുടെ ട്രൈലെർ ഇന്നിതാ എത്തിക്കഴിഞ്ഞു. ഷങ്കർ സംവിധാനം ചെയ്ത സയൻസ് ഫിക്ഷൻ- ഫാന്റസി എന്റെർറ്റൈനെർ ആയ 2.0 ട്രൈലെർ ഇന്ന് റിലീസ് ചെയ്തു. സൂപ്പർ സ്റ്റാർ രജനികാന്തും ബോളിവുഡ് സൂപ്പർ സ്റ്റാർ അക്ഷയ് കുമാറും പ്രധാന വേഷങ്ങൾ ചെയ്തിരിക്കുന്ന ഈ ചിത്രത്തിന്റെ ട്രൈലെർ അക്ഷരാർഥത്തിൽ ഞെട്ടിച്ചു കളഞ്ഞു എന്ന് തന്നെ പറയാം. അത്ര ഗംഭീരമായ രീതിയിൽ ആണ് ഈ ചിത്രം ഒരുക്കിയിരിക്കുന്നതെന്ന സൂചനയാണ് ഈ ട്രൈലെർ നമുക്ക് തരുന്നത്. ഇന്ത്യൻ സിനിമയിലെ മാത്രമല്ല ലോക സിനിമയിലെ തന്നെ മഹാസംഭവങ്ങളിൽ ഒന്നായി ഈ ചിത്രം മാറുമെന്ന പ്രതീക്ഷ ഈ ട്രൈലെർ പ്രേക്ഷകർക്ക് നൽകി കഴിഞ്ഞു. പൂർണ്ണമായും ഐമാക്സ് ത്രീഡിയിൽ ചിത്രീകരിച്ചിരിക്കുന്ന ഈ സിനിമ ഒരു വിസ്മയിപ്പിക്കുന്ന ചലച്ചിത്രാനുഭവം ആവും എന്നത് തീർച്ചയാണ്.

ഈ വർഷം നവംബർ 29 നു ആണ് 2.0 റിലീസ് ചെയ്യാൻ തീരുമാനിച്ചിരിക്കുന്നത്. ഏകദേശം അറുനൂറു കോടി രൂപയ്ക്കു മുകളിൽ പണം ചെലവഴിച്ചു ലൈക്ക പ്രൊഡക്ഷൻസ് ആണ് ഈ ബിഗ് ബജറ്റ് ചിത്രം നിർമ്മിച്ചിരിക്കുന്നത്. ഇന്ത്യൻ സിനിമയിലെ എക്കാലത്തെയും വലിയ ചിത്രവുമാണ് 2.0. പതിനായിരം തീയേറ്ററുകളിൽ ആണ് ഈ ചിത്രം ലോകമെമ്പാടും പ്രദർശനത്തിന് എത്തുക എന്നാണ് ഇപ്പോൾ അറിയാൻ സാധിക്കുന്നത്. തമിഴ്, തെലുങ്ക്, ഹിന്ദി ഭാഷകളിൽ ആയി റിലീസ് ചെയ്യാൻ പോകുന്ന ഈ ചിത്രത്തിൽ അക്ഷയ് കുമാർ വില്ലൻ വേഷത്തിലും അമി ജാക്സൺ നായിക വേഷത്തിലും എത്തുന്നു. ഹോളിവുഡ് സാങ്കേതിക വിദഗ്‌ധർ അണിയറയിൽ പ്രവർത്തിക്കുന്ന ഈ ചിത്രത്തിന് സംഗീതം നൽകിയിരിക്കുന്നത് എ ആർ റഹ്മാനും ഛായാഗ്രഹണം നിർവഹിച്ചിരിക്കുന്നത് നീരവ് ഷായും ആണ്

Did you find apk for android? You can find new Free Android Games and apps.
Share.

About Author