Sunday, October 2

തീയേറ്ററുകൾക്കു കാവലാവാൻ ആക്ഷൻ കിംഗ് എത്തുന്നു; കാവൽ പുതിയ ടീസർ കാണാം..!

Google+ Pinterest LinkedIn Tumblr +
Want create site? Find Free WordPress Themes and plugins.

മലയാളത്തിന്റെ ആക്ഷൻ സൂപ്പർ സ്റ്റാർ ആയ സുരേഷ് ഗോപി നായകനായി എത്തുന്ന പുതിയ ചിത്രമാണ് കാവൽ. മമ്മൂട്ടി നായകനായ കസബ എന്ന ചിത്രത്തിന് ശേഷം നിതിൻ രഞ്ജി പണിക്കർ സംവിധാനം ചെയ്ത ഈ ചിത്രം വരുന്ന നവംബർ ഇരുപത്തിയഞ്ചിന് ആണ് വേൾഡ് വൈഡ് റിലീസ് ആയി എത്തുന്നത്. ഗുഡ് വിൽ എന്റെർറ്റൈന്മെന്റിന്റെ ബാനറിൽ ജോബി ജോർജ് നിർമ്മിച്ച ഈ ചിത്രം രചിച്ചതും സംവിധായകനായ നിതിൻ രഞ്ജി പണിക്കർ ആണ്. ഇപ്പോഴിതാ ഈ ചിത്രത്തിന്റെ പുതിയ ടീസർ വന്നിരിക്കുകയാണ്. സുരേഷ് ഗോപിയുടെ ഒരു കിടിലൻ ആക്ഷൻ രംഗമാണ് ഈ ടീസറിന്റെ ഹൈലൈറ്റ്. ആക്ഷനും വൈകാരിക മുഹൂർത്തങ്ങളും കോർത്തിണക്കിയ ഒരു മാസ്സ് ഫാമിലി ആക്ഷൻ ഡ്രാമ ആയാണ് ഈ ചിത്രം ഒരുക്കിയിരിക്കുന്നത് എന്ന സൂചനയാണ് ഇതിനു മുൻപ് വന്ന ഇതിന്റെ ടീസർ, ട്രൈലെർ, ഗാനങ്ങൾ എന്നിവ നമ്മുക്ക് തരുന്നത്. തമ്പാൻ എന്ന കഥാപാത്രമായാണ് സുരേഷ് ഗോപി ഈ ചിത്രത്തിൽ അഭിനയിക്കുന്നത്.

സുരേഷ് ഗോപിക്കൊപ്പം തന്നെ തുല്യ പ്രാധാന്യത്തോടെ, ആന്റണി എന്ന് പേരുള്ള മറ്റൊരു ശ്കതമായ കഥാപാത്രമായി രഞ്ജി പണിക്കരും ഇതിലെ ഒരു നിർണ്ണായക വേഷം ചെയ്യുന്നുണ്ട്. റേച്ചൽ ഡേവിഡ് നായികാ വേഷത്തിലെത്തുന്ന ഈ ചിത്രത്തിൽ ഐ.എം. വിജയൻ, അലൻസിയർ, പത്മരാജ് രതീഷ്, സുജിത് ശങ്കർ, സന്തോഷ് കീഴാറ്റൂർ, കിച്ചു ടെല്ലസ്, ബിനു പപ്പു, മോഹൻ ജോസ്, കണ്ണൻ രാജൻ പി. ദേവ്, മുരുകൻ, മുത്തുമണി, സാദിഖ്, പോളി വത്സൻ, സുരേഷ് കൃഷ്ണ, ശങ്കർ രാമകൃഷ്ണൻ, ശ്രീജിത് രവി, ശാന്ത കുമാരി, അഞ്ജലി നായർ, രാജേഷ് ശർമ്മ, ഇടവേള ബാബു എന്നിവരും അഭിനയിക്കുന്നു. നിഖിൽ എസ് പ്രവീൺ ക്യാമറ ചലിപ്പിച്ചിരിക്കുന്ന ഈ ചിത്രത്തിന് സംഗീതം ഒരുക്കിയത് രെഞ്ജിൻ രാജ് ആണ്. മൻസൂർ മുത്തൂട്ടി ആണ് ഈ ചിത്രത്തിന്റെ എഡിറ്റർ.

Did you find apk for android? You can find new Free Android Games and apps.
Share.

About Author