Wednesday, January 19

ഇടിമുഴക്കമായി മരക്കാർ ടീസർ; വരുന്നത് ദൃശ്യ വിസ്മയം..!

Google+ Pinterest LinkedIn Tumblr +
Want create site? Find Free WordPress Themes and plugins.

ഇന്ത്യൻ സിനിമയുടെ കംപ്ലീറ്റ് ആക്ടർ മോഹൻലാലിനെ നായകനാക്കി മാസ്റ്റർ ഡയറക്ടർ പ്രിയദർശൻ സംവിധാനം ചെയ്ത ചിത്രമാണ് മരക്കാർ അറബിക്കടലിന്റെ സിംഹം. നൂറു കോടി രൂപ ബഡ്ജറ്റിൽ നിർമ്മിച്ച ഈ ചിത്രം മലയാള സിനിമ ചരിത്രത്തിലെ തന്നെ ഏറ്റവും വലിയ സിനിമയാണ്. അറുപതു രാജ്യങ്ങളിൽ അഞ്ചു ഭാഷയിൽ ഒരേ സമയം റിലീസ് ചെയ്യാൻ പോകുന്ന ചിത്രം കൂടിയാണ് മരക്കാർ. ആശീർവാദ് സിനിമാസിന്റെ ബാനറിൽ ആന്റണി പെരുമ്പാവൂർ നിർമ്മിച്ച ഈ ചിത്രത്തിന്റെ റിലീസ് ഈ വരുന്ന ഡിസംബർ രണ്ടിന് ആണ്. ഒരു മലയാള സിനിമയ്ക്കു ലഭിക്കുന്ന ഏറ്റവും വലിയ റിലീസ് ആണ് മരക്കാർ നേടുന്നത്. ലോകം മുഴുവൻ ആയി 3300 സ്‌ക്രീനുകളിൽ എത്തുന്ന ഈ ചിത്രം എല്ലാ മാർക്കറ്റിലും മലയാള സിനിമയുടെ മുൻപത്തെ റെക്കോർഡിന്റെ ഇരട്ടിയിൽ അധികം സ്‌ക്രീനുകളിൽ ആണ് എത്തുന്നത്. കേരളത്തിൽ ഇതിനോടകം 850 ഫാൻസ്‌ ഷോകളാണ് സോൾഡ് ഔട്ട് ആയതു. അത് കൂടാതെ അഡ്വാൻസ് ബുക്കിങ്ങിനും ആഗോള തലത്തിൽ വരെ വമ്പൻ പ്രതികരണമാണ് ലഭിച്ചു കൊണ്ടിരിക്കുന്നത്.

ഇപ്പോഴിതാ പ്രതീക്ഷകൾ വീണ്ടും വർധിപ്പിച്ചു കൊണ്ട് ഈ ചിത്രത്തിന്റെ പുതിയ ടീസർ എത്തിയിരിക്കുകയാണ്. നേരത്തെ വന്ന ടീസറും ട്രെയ്‌ലറും ഗാനങ്ങളും അതുപോലെ തന്നെ കൌണ്ട് ഡൌൺ മോഷൻ പോസ്റ്ററുകളുമെല്ലാം വമ്പൻ ഹിറ്റായി മാറിയിരുന്നു. ഇപ്പോൾ വന്നിരിക്കുന്ന ഈ ടീസറും ഗംഭീര പ്രതികരണമാണ് നേടുന്നത്. മിനിറ്റുകൾ കൊണ്ട് വൈറൽ ആയി മാറിയ ഈ ടീസറോടെ മരക്കാരിന്റെ അവസാന ഘട്ട പ്രമോഷൻ പരിപാടികൾക്കും തുടക്കം കുറിച്ചിരിക്കുകയാണ്. കൂടുതൽ ടീസറുകളും ഒരു ട്രെയ്‌ലറും ഒരു വീഡിയോ ഗാനവും ഇനി വരും എന്നാണ് അറിയാൻ സാധിക്കുന്നത്. സാബു സിറിൽ കലാസംവിധാനം നിർവഹിച്ച ഈ ചിത്രത്തിന് വേണ്ടി പശ്ചാത്തല സംഗീതമൊരുക്കിയത് രാഹുൽ രാജ് ആണ്.

Did you find apk for android? You can find new Free Android Games and apps.
Share.

About Author