Thursday, May 26

ശ്രദ്ധ നേടി ഒരു മലയാള ഹൃസ്വ ചിത്രം കൂടി; ജെർമിസിന്റെ ദർശനം അഭിനന്ദനം നേടുന്നു..!

Google+ Pinterest LinkedIn Tumblr +
Want create site? Find Free WordPress Themes and plugins.

ഒട്ടേറെ ശ്രദ്ധേയ ഹൃസ്വ ചിത്രങ്ങൾ പുറത്തു വരുന്ന മലയാളത്തിൽ നിന്ന് ഒരു മികച്ച ഹൃസ്വ ചിത്രം കൂടി റീലീസ് ആയിരിക്കുകയാണ്. ജെർമിസിന്റെ ദർശനം എന്ന് പേരിട്ടിരിക്കുന്ന ഈ ഹൃസ്വ ചിത്രം ഈ കഴിഞ്ഞ ഏപ്രിൽ പതിനേഴിന് ആണ് റിലീസ് ആയതു. ഇതിനോടകം ഇരുപതിനായിരത്തിൽ കൂടുതൽ കാഴ്ചക്കാരെ ലഭിച്ച ഈ ഹൃസ്വ ചിത്രം ഫിലിംസ് ആൻഡ് ട്രെൻഡ്‌സ് എന്ന യൂട്യൂബ് ചാനലിൽ ആണ് റിലീസ് ചെയ്തിരിക്കുന്നത്. ജേക്കബ് ലിജിൽ ആണ് ഈ ഹൃസ്വ ചിത്രം രചിച്ചു സംവിധാനം ചെയ്തിരിക്കുന്നത്. ഫിലിം ആൻഡ് ട്രെൻഡ്‌സ് നിർമ്മിച്ചിരിക്കുന്ന ഈ ചിത്രത്തിന് കാമറ ചലിപ്പിച്ചിരിക്കുന്നതു ഋഷി രാജു ആണ്. ആൽബിച്ചൻ അധികാരം എഡിറ്റ് ചെയ്തിരിക്കുന്ന ഈ ഹൃസ്വ ചിത്രത്തിന് സംഗീതം ഒരുക്കിയിരിക്കുന്നത് ജിഷ്ണു തിലക് ആണ്.

പ്രശസ്ത മലയാള സിനിമാ താരം പോളി വത്സൻ, അജിത് എബ്രഹാം, സുകന്യ ഹരിദാസൻ, സിജോ ജോർജ്, സാബു പാലാ, എസ് രഘു, മാർട്ടിൻ ജോയ്, ഉമേഷ് കുമാർ, വിഷ്ണു സജീവ് എന്നിവരാണ് ഈ ഹൃസ്വ ചിത്രത്തിൽ അഭിനയിച്ചിരിക്കുന്നത്. സാലി തെക്കേതിൽ എന്ന കഥാപാത്രമായി ഗംഭീര പ്രകടനമാണ് പോളി വത്സൻ ഈ ഹൃസ്വ ചിത്രത്തിൽ നൽകിയിരിക്കുന്നത്. ജെർമിസ് എന്ന ടൈറ്റിൽ കഥാപാത്രം ആയെത്തിയ അജിത് എബ്രഹാം നൽകിയതും എടുത്തു പറയേണ്ട പ്രകടനമാണ്. അതോടൊപ്പം മികച്ച കഥയും മേക്കിങ്ങും കൂടി ചേർന്നപ്പോൾ ഇരുപത്തിരണ്ടു മിനിട്ടിനു മുകളിൽ ദൈർഖ്യമുള്ള ഈ ഹൃസ്വ ചിത്രം ഒരു മികച്ച അനുഭവമായി മാറി.

Did you find apk for android? You can find new Free Android Games and apps.
Share.

About Author