Wednesday, August 10

മാസ്സായി ടോവിനോയും മാസിന്റെ ബോസ്സായി ധനുഷും; മാരി 2 ട്രെയിലറിന് കിടിലൻ പ്രതികരണം..!

Google+ Pinterest LinkedIn Tumblr +
Want create site? Find Free WordPress Themes and plugins.

ധനുഷ് നായകനായി എത്തുന്ന പുതിയ ചിത്രമായ മാരി 2 ന്റെ ട്രൈലെർ ഇന്ന് റിലീസ് ചെയ്തു. ബാലാജി മോഹൻ സംവിധാനം ചെയ്ത ഈ ചിത്രത്തിൽ മലയാളത്തിന്റെ യുവ താരം ടോവിനോ തോമസ് ആണ് വില്ലൻ ആയി എത്തുന്നത്. വണ്ടർ ബാർ സിനിമയുടെ ബാനറിൽ ധനുഷ് തന്നെ നിർമ്മിച്ച ഈ ചിത്രം ലൈക്ക പ്രൊഡക്ഷൻസ് ആണ് വിതരണം ചെയ്യുക. ഈ വരുന്ന ഡിസംബർ ഇരുപത്തിയൊന്നിന് ലോകമെമ്പാടും റിലീസ് ചെയ്യാൻ പോകുന്ന ഈ ചിത്രത്തിലെ നായികാ വേഷം ചെയ്യുന്നത് പ്രേമത്തിലൂടെ പ്രശസ്തയായ സായി പല്ലവി ആണ്. ഇപ്പോൾ ഈ ചിത്രത്തിന്റെ ട്രെയിലറിന് കിടിലൻ പ്രതികരണമാണ് സോഷ്യൽ മീഡിയയിൽ നിന്ന് ലഭിക്കുന്നത്. മാസ്സ് വില്ലനായി ടോവിനോ എത്തുമ്പോൾ അതിലും മാസ്സ് ആയാണ് നായകനായ ധനുഷ് എത്തുന്നത്.

കിടിലൻ ഡയലോഗും സംഘട്ടനവും പാട്ടുകളും നൃത്തവും കോമെടിയും എല്ലാം നിറഞ്ഞ ഒരു ചിത്രം ആയിരിക്കും മാരി 2 എന്ന സൂചനയാണ് ട്രൈലെർ നമ്മുക്ക് തരുന്നത്. ടോവിനോ അഭിനയിച്ച രണ്ടാമത്തെ തമിഴ് ചിത്രമാണ് ഇത്. ഈ ചിത്രത്തിൽ ഒരു ഓട്ടോ ഡ്രൈവർ ആയാണ് സായി പല്ലവി അഭിനയിക്കുന്നത്. അരാത് ആനന്ദി എന്നാണ് സായി പല്ലവി അവതരിപ്പിക്കുന്ന കഥാപാത്രത്തിന്റെ പേര്. വരലക്ഷ്മി ശരത് കുമാർ, കൃഷ്ണ കുലശേഖരൻ, വിദ്യ പ്രദീപ്, റോബോ ശങ്കർ, കല്ലൂരി വിനോദ് എന്നിവരും അഭിനയിക്കുന്ന ഈ ചിത്രത്തിന് സംഗീതം ഒരുക്കിയത് യുവാൻ ശങ്കർ രാജയും ദൃശ്യങ്ങൾ നൽകിയത് ഓം പ്രകാശും ആണ്. ബാലാജി മോഹൻ തന്നെയാണ് ഈ ചിത്രത്തിന്റെ രചനയും നിർവഹിച്ചിരിക്കുന്നത്.

Did you find apk for android? You can find new Free Android Games and apps.
Share.

About Author