തിരോന്തരം ആണ്, പദ്മനാഭന്റെ മണ്ണാണ് ; ബിജു മേനോന്റെ മാസ്സ് ഡയലോഗുമായി പടയോട്ടം ട്രൈലെർ ..!

Advertisement

പ്രേക്ഷകർ ഏറെ കാത്തിരിക്കുന്ന ചിത്രങ്ങളിലൊന്നാണ് ബിജു മേനോൻ നായകനായ പടയോട്ടം. ഈ ഓണത്തിന് തീയേറ്ററുകളിൽ എത്തുന്ന ഈ ആക്ഷൻ കോമഡി ചിത്രത്തിന്റെ ട്രൈലെർ ഇന്നലെ പുറത്തിറങ്ങി. ആക്ഷനും മാസ്സ് ഡയലോഗുകളും കോമെഡികളും നിറഞ്ഞ പടയോട്ടത്തിന്റെ കിടിലൻ ട്രൈലെർ ആരാധകരും സിനിമാ പ്രേമികളും ഇരു കയ്യും നീട്ടി സ്വീകരിച്ചു കഴിഞ്ഞു. ബിജു മേനോൻ അവതരിപ്പിക്കുന്ന ചെങ്കൽ രഘു എന്ന തിരുവനന്തപുരത്തുകാരൻ ഗുണ്ടയുടെ കഥയാണ് ഈ ചിത്രം പറയുന്നത്. ബിജു മേനോന്റെ മാസ്സ് ഡയലോഗുകൾ തന്നെയാണ് ഈ ട്രെയ്‌ലറിന്റെ ഏറ്റവും വലിയ ആകർഷണം. ആ ഡയലോഗുകൾ എല്ലാം തന്നെ പ്രേക്ഷകർ ഏറ്റെടുത്തു കഴിഞ്ഞു.

Advertisement

മുന്തിരി വള്ളികൾ തളിർക്കുമ്പോൾ എന്ന മോഹൻലാൽ ചിത്രം ചിത്രം നിർമ്മിച്ച സോഫിയ പോൾ, തന്റെ വീക്കെൻഡ് ബ്ലോക്ക്ബസ്റ്റർസ് എന്ന ബാനറിൽ നിർമ്മിച്ച ചിത്രമാണ് പടയോട്ടം. നവാഗതനായ റഫീഖ് ഇബ്രാഹിം സംവിധാനം ചെയ്ത ഈ ചിത്രം രചിച്ചത് അരുൺ എ ആർ, അജയ് രാഹുൽ എന്നിവർ ചേർന്നാണ്. സൈജു കുറുപ്പ്, ദിലീഷ് പോത്തൻ, സുധി കോപ്പ, ലിജോ ജോസ് പെല്ലിശ്ശേരി, സുരേഷ് കൃഷ്ണ, അനു സിതാര, ഹാരിഷ് കണാരൻ, രവി സിംഗ്, ഗണപതി, ബേസിൽ ജോസഫ് എന്നിവരാണ് ഈ ചിത്രത്തിലെ മറ്റു പ്രധാന കഥാപാത്രങ്ങളെ അവതരിപ്പിച്ചിരിക്കുന്നത്. സതീഷ് കുറുപ്പ് ദൃശ്യങ്ങൾ ഒരുക്കിയ ഈ ചിത്രത്തിന് സംഗീതം പകർന്നിരിക്കുന്നത് പ്രശാന്ത് പിള്ളൈ ആണ്. ഈ ചിത്രത്തിന്റെ ടീസറും ഇതിലെ പ്രമോ സോങ്ങും നേരത്തെ തന്നെ പ്രേക്ഷകർ ഏറ്റെടുത്തിരുന്നു. ഓഗസ്റ്റ് പതിനേഴിന് പടയോട്ടം റിലീസ് ചെയ്യുമെന്നാണ് ഇപ്പോൾ ലഭിക്കുന്ന റിപ്പോർട്ടുകൾ പറയുന്നത്.

Advertisement

Copyright © 2017 onlookersmedia.

Press ESC to close