മാസിന്റെ ആറാട്ടുമായി മെഗാ സ്റ്റാർ ചിരഞ്ജീവിയും റാം ചരണും; ആചാര്യ ട്രൈലെർ കാണാം..!

Advertisement

മെഗാ സ്റ്റാർ ചിരഞ്ജീവിയും അദ്ദേഹത്തിന്റെ മകനും മെഗാ പവർ സ്റ്റാർ റാം ചരണും പ്രധാന വേഷങ്ങളിൽ എത്തുന്ന ഏറ്റവും പുതിയ ചിത്രമാണ് ആചാര്യ. സൂപ്പർ ഹിറ്റ് സംവിധായകൻ ആയ കൊരടാല ശിവ ഒരുക്കിയ ഈ ചിത്രത്തിന്റെ ട്രൈലെർ ഇന്ന് റിലീസ് ചെയ്തിരിക്കുകയാണ്. കിടിലൻ മാസ്സ് പ്രകടനവുമായി ആരാധകരെ മെഗാ സ്റ്റാർ ഒരിക്കൽ കൂടി ത്രസിപ്പിക്കും എന്ന സൂചനയാണ് ഈ ട്രൈലെർ നൽകുന്നത്. നേരത്തെ റിലീസ് ചെയ്ത ഇതിന്റെ ടീസർ, അതുപോലെ ഒരു വീഡിയോ സോങ് എന്നിവ സൂപ്പർ ഹിറ്റായി മാറിയിരുന്നു. അച്ഛനും മകനും കൂടി ചേർന്ന ആക്ഷൻ രംഗങ്ങൾ ആണ് ഈ ചിത്രത്തിന്റെ ഹൈലൈറ്റ് എന്നാണ് ഈ ട്രൈലെർ നൽകുന്ന സൂചന. ഏപ്രിൽ ഇരുപത്തിയൊന്പതിനു ഈദ് റിലീസ് ആയാണ് ഈ ചിത്രം റിലീസ് ചെയ്യാൻ പോകുന്നത്. പൂജ ഹെഗ്‌ഡെ ആണ് ഈ ചിത്രത്തിലെ നായികാ വേഷം ചെയ്യുന്നത്.

കാജൽ അഗർവാളും നായികാ വേഷം ചെയ്തിരിക്കുന്ന ഈ ചിത്രം രചിച്ചതും സംവിധായകൻ കൊരടാല ശിവ തന്നെയാണ്. നിരഞ്ജൻ റെഡ്‌ഡി, അന്വേഷ റെഡ്‌ഡി എന്നിവർ ചേർന്ന് നിർമ്മിച്ചിരിക്കുന്ന ഈ ചിത്രത്തിന് കാമറ ചലിപ്പിച്ചിരിക്കുന്നതു തിരുവും സംഗീതമൊരുക്കിയിരിക്കുന്നത് മണി ശര്മയുമാണ്. സാന കഷ്ടം എന്ന വരികളോടെ തുടങ്ങുന്ന ഒരു ഗാനമാണ് ഈ ചിത്രത്തിൽ നിന്നും നേരത്തെ റിലീസ് ചെയ്തത്. മെഗാ സ്റ്റാർ ചിരഞ്ജീവിയുടെ അടിപൊളി നൃത്തത്തിനൊപ്പം തന്നെ റജീന കസാൻഡ്രയുടെ ത്രസിപ്പിക്കുന്ന ഗ്ലാമർ നൃത്ത ചുവടുകളും ഈ ഗാനത്തിന്റെ ഹൈലൈറ്റ് ആണ്. നവീൻ നൂലി ആണ് ആചാര്യ എന്ന ചിത്രം എഡിറ്റ് ചെയ്തിരിക്കുന്നത്. ആർ ആർ ആർ ഇന്റെ മെഗാ വിജയത്തിന് ശേഷം റാം ചരൺ, മെഗാ സ്റ്റാർ ചിരഞ്ജീവിക്കൊപ്പമാണ് ഇനി എത്താൻ പോകുന്നത് എന്നതും ആരാധകരെ ത്രസിപ്പിക്കുന്നു.

Advertisement

Advertisement

Copyright © 2017 onlookersmedia.

Press ESC to close