ആളും തീ; ജനഗണമനയിലെ ആദ്യ ഗാനമെത്തി; വീഡിയോ കാണാം..!

Google+ Pinterest LinkedIn Tumblr +
Want create site? Find Free WordPress Themes and plugins.

സുരാജ് വെഞ്ഞാറമൂട്, പൃഥ്വിരാജ് സുകുമാരൻ എന്നിവരെ കേന്ദ്ര കഥാപാത്രങ്ങളാക്കി പ്രശസ്ത സംവിധായകൻ ഡിജോ ജോസ് ആന്റണി ഒരുക്കിയ ജനഗണമന എന്ന ചിത്രത്തിലെ ആദ്യ ഗാനം ആണ് ഇപ്പോൾ പ്രേക്ഷകരുടെ മുന്നിൽ എത്തിയത്. ഷറഫു രചിച്ച ഈ ഗാനത്തിന് സംഗീതം പകർന്നിരിക്കുന്നത് ജെക്‌സ് ബിജോയ് ആണ്. ഈ ഗാനത്തിന്റെ വീഡിയോ ഇപ്പോൾ മികച്ച പ്രേക്ഷക ശ്രദ്ധയാണ് നേടുന്നത്. നേരത്തെ റിലീസ് ആയ ഇതിന്റെ ട്രൈലെർ സൂപ്പർ ഹിറ്റായി മാറിയിരുന്നു. രണ്ടു ഭാഗങ്ങൾ ആയി ഒരുക്കുന്ന ഈ ചിത്രത്തിന്റെ രണ്ടാം ഭാഗത്തിലെ ഒരു രംഗമാണ് ഇതിന്റെ ആദ്യം പുറത്തു വിട്ട ടീസറിൽ ഉൾപ്പെടുത്തിയത്. അതുപോലെ ട്രൈലറിൽ ഉള്ളതും ഇതിന്റെ രണ്ടാം ഭാഗത്തിലെ ഒരു സീൻ ആണ്. ആദ്യമായി ആണ് ഇന്ത്യൻ സിനിമയിൽ തന്നെ ട്രൈലെർ റിലീസിൽ ഇങ്ങനെ ഒരു പരീക്ഷണം നടത്തിയത്. ഇന്ന് വന്ന ആളും തീ എന്ന വരികളോടെ തുടങ്ങുന്ന ഗാനം ആലപിച്ചിരിക്കുന്നത് അഖിൽ ജെ ചന്ദ് ആണ്.

ക്വീൻ എന്ന ഹിറ്റ് ചിത്രത്തിന് ശേഷം ഡിജോ ജോസ് ആന്റണി ഒരുക്കിയ ഈ ചിത്രം നിർമ്മിച്ചിരിക്കുന്ന പൃഥ്വിരാജ് പ്രൊഡക്ഷൻസ്, മാജിക് ഫ്രെയിംസ് എന്നിവയുടെ ബാനറിൽ പൃഥ്വിരാജ്, ലിസ്റ്റിൻ സ്റ്റീഫൻ എന്നിവരാണ്. ഏപ്രിൽ ഇരുപത്തിയെട്ടിന് ഈദ് റിലീസ് ആയാണ് ജനഗണമന റിലീസ് ചെയ്യുക. പാൻ ഇന്ത്യൻ ചിത്രമായി ഏപ്രിൽ ഇരുപത്തിയെട്ടിന് എത്തുന്ന ഈ ചിത്രത്തിന് തിരക്കഥ രചിച്ചത് ഷാരിസ് മുഹമ്മദ് ആണ്. സുദീപ് ഏലമണ്‍ ഛായാഗ്രഹണം നിർവഹിച്ച ഈ ചിത്രം എഡിറ്റ് ചെയ്തത് ശ്രീജിത്ത് സാരംഗ് ആണ്. മമത മോഹൻദാസ്, സിദ്ദിഖ്, വിൻസി അലോഷ്യസ്, ശാരി, ബെൻസി മാത്യൂസ്, ലിറ്റിൽ ദർശൻ, ആനന്ദ് ബാൽ, ധ്രുവൻ, ജി എം സുന്ദർ, ഹരികൃഷ്ണൻ, ശ്രീ ദിവ്യ, ഐശ്വര്യ അനിൽകുമാർ, യദു വിശാഖ്, വിഷ്ണു കെ വിജയൻ, ദിവ്യ കൃഷ്ണൻ, വൈഷ്ണവി വേണുഗോപാൽ എന്നിവരാണ് ഈ ചിത്രത്തിന്റെ താരനിരയിൽ ഉള്ള മറ്റുള്ളവർ.

Did you find apk for android? You can find new Free Android Games and apps.
Share.

About Author