വിശ്വരൂപം 2 നു കേരളത്തിൽ വമ്പൻ റിലീസ്; ആവേശത്തോടെ ആരാധകർ..!

Advertisement

ഉലക നായകൻ കമലഹാസൻ നായകനായി എത്തുന്ന വിശ്വരൂപം 2 എന്ന ചിത്രം ഇന്ന് കേരളത്തിൽ പ്രദർശനം ആരംഭിക്കുകയാണ്. ലോകമെമ്പാടും റിലീസ് ചെയ്യുന്ന ഈ ചിത്രത്തിന്റെ വിദേശത്തെ ഷോ കഴിഞ്ഞപ്പോൾ മികച്ച റിപ്പോർട്ടുകൾ ആണ് പുറത്തു വരുന്നത്. സൂപ്പർ ഹിറ്റായ വിശ്വരൂപം എന്ന ചിത്രത്തിന്റെ രണ്ടാം ഭാഗം ആയ ഈ സിനിമ കമല ഹാസൻ തന്നെയാണ് രചിച്ചു സംവിധാനം ചെയ്തിരിക്കുന്നത്. ഒരു പക്കാ ആക്ഷൻ സ്പൈ ത്രില്ലെർ ആയി ഒരുക്കിയിരിക്കുന്ന ഈ ചിത്രത്തിൽ കമല ഹാസനെ കൂടാതെ രാഹുൽ ബോസ് , ആൻഡ്രിയ , പൂജ കുമാർ, ശേഖർ കപൂർ എന്നിവരും അഭിനയിച്ചിരിക്കുന്നു. കമല ഹാസൻ തന്നെയാണ് ഈ ചിത്രം നിർമ്മിച്ചിരിക്കുന്നത്. വിശ്വരൂപത്തിന്റെ ആദ്യത്തെ ഭാഗം ഏറെ വിവാദങ്ങൾ സൃഷ്ടിച്ചിരുന്നു. അതുപോലെ തന്നെ ഇതിന്റെ രണ്ടാം ഭാഗവും ചില വിവാദങ്ങൾക്കു കാരണമാകുന്നുണ്ട്.

Advertisement

കേരളത്തിൽ വമ്പൻ റിലീസ് ആയാണ് ഈ ചിത്രം എത്തിയിരിക്കുന്നത്. കമല ഹാസൻ ആരാധകരും സിനിമാ പ്രേമികളും ഏറെ ആവേശത്തോടെ കാത്തിരിക്കുന്ന ചിത്രമാണ് ഇതെന്നതിനാൽ തന്നെ മികച്ച തുടക്കമാണ് ഈ ചിത്രം കേരളത്തിലും ലക്ഷ്യമിടുന്നത്. കരുണാനിധിയുടെ മരണത്തെ തുടർന്നുള്ള ദുഃഖാചരണം നടക്കുന്നതിനാൽ തമിഴ് നാട്ടിൽ ഈ ചിത്രം വലിയ റിലീസ് നടന്നിട്ടില്ല. ഒരാഴ്ച കഴിഞ്ഞേ അവിടെ ഈ ചിത്രം വലിയ തോതിൽ റിലീസ് ചെയ്യൂ എന്നാണ് റിപ്പോർട്ടുകൾ പറയുന്നത്. ജിബ്രാൻ സംഗീതം നൽകിയ ഈ ചിത്രത്തിന് ദൃശ്യങ്ങൾ ഒരുക്കിയത് സാനു വർഗീസ്, ഷാംദത് സൈനുദ്ധീൻ എന്നിവർ ചേർന്നാണ്. കിടിലൻ ആക്ഷൻ രംഗങ്ങൾ ആണ് ഈ ചിത്രത്തിന്റെ പ്രത്യേകത.

Advertisement

Copyright © 2017 onlookersmedia.

Press ESC to close