രാജേഷ് കണ്ണങ്കര ഒരുക്കിയ വിശ്വ വിഖ്യാതരായ പയ്യന്മാർ എന്ന ചിത്രം പ്രദർശനത്തിന് ഇന്ന് മുതൽ എത്തുകയാണ് . ചിത്രത്തിലെ ഗാനങ്ങളും ട്രെയിലറും പ്രേക്ഷക ശ്രദ്ധ പിടിച്ചു പറ്റിയിരുന്നു .
സംവിധായകൻ രാജേഷ് തന്നെ രചന നിർവഹിച്ച ഈ ചിത്രത്തിൽ നായകൻ ആയി എത്തുന്നത് യുവ നടൻ ദീപക് പറമ്പൊൽ ആണ്. ദീപക്കിനോപ്പം ലീമ ബാബു, അജു വർഗീസ്, ഭഗത് മാനുവൽ, ഹാരിഷ് കണാരൻ, ശശി കലിംഗ, സുധി കോപ്പ, മനോജ് കെ ജയൻ, സുനിൽ സുഗത, ദേവൻ എന്നിവരും ഈ ചിത്രത്തിൽ പ്രധാന വേഷങ്ങൾ അവതരിപ്പിച്ചിരിക്കുന്നു. പ്രശാന്ത് കൃഷ്ണ ദൃശ്യങ്ങൾ ഒരുക്കിയിരിക്കുന്ന ഈ ചിത്രം എഡിറ്റ് ചെയ്തിരിക്കുന്നത് വി സാജൻ ആണ്.
വിശാൽ അരുൺ റാം , സന്തോഷ് വർമ്മ എന്നിവർ സംഗീതം പകർന്നിരിക്കുന്ന ഈ ചിത്രത്തിലെ ഗാനങ്ങൾക്ക് വരികൾ എഴുതിയിരിക്കുന്നത് സന്തോഷ് വർമയും ശശീന്ദ്രനുമാണ്. ആനന്ദ് മധുസൂദനൻ ആണ് ചിത്രത്തിന് വേണ്ടി പശ്ചാത്തല സംഗീതം ഒരുക്കിയിരിക്കുന്നത്.
റെജിമോൻ കപ്പപ്പറമ്പിൽ ആണ് ഈ ചിത്രം കീർത്തന മൂവീസിന്റെ ബാനറിൽ നിർമ്മിച്ചിരിക്കുന്നത്. നെൽസൺ, കലാശാല ബാബു, ബാലചന്ദ്രൻ ചുള്ളിക്കാട്, ജി കെ പിള്ള, ലക്ഷ്മി, വൈഗ, നെടുമ്പ്രം ഗോപി, കോഴിക്കോട് നാരായണൻ നായർ എന്നിവരും അഭിനയിച്ചിരിക്കുന്ന ഈ കോമഡി ചിത്രത്തിന്റെ കഥ രചിച്ചത് വി ദിലീപ് ആണ്.
