Friday, January 28

ആരാധകർക്ക് സന്തോഷ വാർത്ത; വിക്രം വേദ 2 വരുന്നു..

Google+ Pinterest LinkedIn Tumblr +
Want create site? Find Free WordPress Themes and plugins.

അടുത്തിടെ പുറത്തിറങ്ങിയ തമിഴ് ചിത്രം വിക്രം വേദ മികച്ച വിജയം ആണ് ഇപ്പോൾ പ്രദർശന ശാലകളിൽ നേടിക്കൊണ്ടിരിക്കുന്നത്. വിജയ് സേതുപതിയും മാധവനും നായകന്മാരായി എത്തിയ ഈ ചിത്രം ഇരട്ട സംവിധായകരായ പുഷ്കർ-ഗായത്രി ആണ് എഴുതി സംവിധാനം ചെയ്തത് .ഒരു ക്രൈം ത്രില്ലറായി ഒരുക്കിയിരിക്കുന്ന ഈ ചിത്രം വിജയ് സേതുപതിയുടെയും മാധവന്റെയും മിന്നുന്ന പ്രകടനം കൊണ്ട് ഇതിനോടകം വമ്പിച്ച ജനപ്രിയത നേടി കഴിഞ്ഞു. പുഷ്കർ- ഗായത്രി ടീമിന്റെ തിരക്കഥയും സംവിധാനവും അഭിനന്ദനം നേടുന്നുണ്ട്. എന്നാൽ ഇപ്പോൾ സോഷ്യൽ മീഡിയയിൽ വൈറൽ ആയി മാറി കൊണ്ടിരിക്കുന്ന ഒരു വാർത്ത ഈ ചിത്രത്തിന് ഒരു രണ്ടാം ഭാഗം വരുന്നുണ്ട് എന്നതാണ്. ഇതിനെ കുറിച്ച് ഈ ചിത്രത്തിന്റെ നിർമ്മാതാവ് തന്നെ ഇപ്പോൾ വെളിപ്പെടുത്തലുകളുമായി രംഗത്ത് വന്നിട്ടുണ്ട്.

തിയേറ്റർ സമരം മൂലം അല്പമൊന്നു തളർന്ന തമിഴ് സിനിമയെ പിടിച്ചു കയറ്റുന്ന വിജയമാണ് ഈ ചിത്രം നേടുന്നത്. വൈ നോട്ട് ഫിലിമ്സിന്റെ ബാനറിൽ ശശികാന്ത് ആണ് ഈ ചിത്രം നിർമ്മിച്ചിരിക്കുന്നത്. വിക്രം വേദയുടെ രണ്ടാം ഭാഗം സംഭവിക്കും എന്ന് തന്നെയാണ് നിർമ്മാതാവ് ശശികാന്ത് ഇപ്പോൾ മാധ്യമങ്ങളോട് വെളിപ്പെടുത്തിയിരിക്കുന്നത്.

ഈ ചിത്രത്തിന്റെ തെലുങ്കു, ഹിന്ദി റീമേക്കുകളും ഉണ്ടാകുമെന്നും അതും തങ്ങൾ തന്നെയാവും നിർമ്മിക്കുക എന്നും ശശികാന്ത് അറിയിച്ചു. റിലീസ് ചെയ്ത ആദ്യ വാരത്തിൽ നിന്ന് മാത്രം 25 കോടിക്ക് മുകളിൽ ആണ് വിക്രം വേദ കളക്ഷൻ നേടിയത്. രണ്ടാം ഭാഗത്തിന് സാധ്യതയുള്ള രീതിയിലാണ് വിക്രം വേദയുടെ ക്ലൈമാക്സ് എന്നതും പ്രതീക്ഷ തരുന്നു.

Did you find apk for android? You can find new Free Android Games and apps.
Share.

About Author