Tuesday, May 24

ചിയാൻ വിക്രം നായകനായ മഹാൻ നേരിട്ടു ഒറ്റിറ്റി റിലീസിന്; സ്ട്രീമിംഗ് തീയതി പുറത്തു വിട്ട് താരം..!

Google+ Pinterest LinkedIn Tumblr +
Want create site? Find Free WordPress Themes and plugins.

തമിഴകത്തിന്റെ ചിയാൻ വിക്രം നായകനായി എത്തുന്ന ഏറ്റവും പുതിയ ചിത്രമാണ് മഹാൻ. വിക്രമിനൊപ്പം മകൻ ധ്രുവ് വിക്രമും പ്രധാന വേഷം ചെയ്യുന്ന ഈ ചിത്രം സംവിധാനം ചെയ്തിരിക്കുന്നത് പ്രശസ്ത സംവിധായകൻ കാർത്തിക് സുബ്ബരാജ് ആണ്. ഇപ്പോഴിതാ, ഈ ചിത്രം നേരിട്ട് ഒറ്റിറ്റി റിലീസ് ചെയ്യുകയാണ് എന്ന വാർത്തയാണ് വരുന്നത്. ഇതു ഒഫീഷ്യൽ ആയി തന്നെ വിക്രം, ധ്രുവ് വിക്രം, കാർത്തിക് സുബ്ബരാജ് എന്നിവർ പുറത്ത് വിട്ടു കഴിഞ്ഞു. ആമസോണ് പ്രൈം റിലീസ് ആയി അടുത്ത മാസം പത്താം തീയതിയാണ് ഈ ചിത്രം സ്ട്രീം ചെയ്യുന്നത്. അച്ഛനും മകനും ആയി തന്നെയാണ് വിക്രം- ധ്രുവ് വിക്രം ടീം ഈ ചിത്രത്തിൽ അഭിനയിച്ചിരിക്കുന്നത്.

സിമ്രൻ, ബോബി സിംഹ, വാണി ഭോജൻ, സനന്ത് എന്നിവരും അഭിനയിക്കുന്ന ഈ ചിത്രത്തിന്റെ ഫസ്റ്റ് ലുക്ക് പോസ്റ്റർ, കാരക്ടർ ടീസർ എന്നിവയെല്ലാം വലിയ ശ്രദ്ധ നേടിയിരുന്നു. മകൻ ധ്രുവിനൊപ്പം ആദ്യമായി ഒന്നിച്ചഭിനയിച്ച ഈ ചിത്രം, ചിയാൻ വിക്രത്തിന്റെ കരിയറിലെ അറുപതാമത്തെ സിനിമയാണ്. സൂപ്പർ ഹിറ്റ് സംഗീത സംവിധായകൻ സന്തോഷ് നാരായണൻ സംഗീത സംവിധാനം നിർവഹിച്ചിരിക്കുന്ന ഈ ചിത്രത്തിലെ, വിക്രമിന്റെയും ധ്രുവ് വിക്രമിന്റെയും ലുക്ക് വളരെ ശ്രദ്ധ നേടിയെടുത്തിരുന്നു. എസ് എസ് ലളിത് കുമാർ ആണ് ഈ ചിത്രത്തിന്റെ നിർമ്മാതാവ്. ഈ ചിത്രം കൂടാതെ കോബ്ര, ധ്രുവ നചത്രം, പൊന്നിയിൻ സെൽവൻ എന്നിവയാണ് വിക്രം അഭിനയിച്ചു ഇനി പുറത്തു വരാനുള്ള മറ്റു ചിത്രങ്ങൾ. ധനുഷ് നായകനായ ജഗമേ തന്തിരമായിരുന്നു സംവിധായകൻ കാർത്തിക് സുബ്ബരാജിന്റെ തൊട്ടു മുൻപത്തെ റിലീസ്. അതും ഒറ്റിറ്റി റിലീസ് ആയാണ് വന്നത്.

Did you find apk for android? You can find new Free Android Games and apps.
Share.

About Author