96 ന്റെ ക്ലൈമാക്‌സില്‍ ഉണ്ടായിരുന്ന ആ ലിപ്പ് ലോക്ക് സീന്‍; വെളിപ്പെടുത്തി വിജയ് സേതുപതി..!

Advertisement

തെന്നിന്ത്യൻ സിനിമയിൽ തരംഗമായി മാറിയ ഒരു ചിത്രമായിരുന്നു 2018 ഇൽ റിലീസ് ചെയ്ത 96 എന്ന തമിഴ് ചിത്രം. വിജയ് സേതുപതി, തൃഷ എന്നിവർ പ്രധന വേഷങ്ങളിൽ എത്തിയ ഈ റൊമാന്റിക് ചിത്രം സി പ്രേം കുമാർ ആണ് രചിച്ചു സംവിധാനം ചെയ്തത്. വിജയ് സേതുപതി തൃഷ എന്നിവർക്കൊപ്പം ഗൗരി കിഷൻ, ആദിത്യ ഭാസ്കർ, ദേവദർശിനി, ജനഗരാജ്, ഭഗവതി പെരുമാൾ, രാജ്‌കുമാർ, ആടുകളം മുരുഗദോസ്, വർഷ ബൊല്ലമ്മ, കവിതാലയ കൃഷ്ണൻ എന്നിവരും അഭിനയിച്ച ഈ ചിത്രം സെവൻ സ്ക്രീൻ സ്റ്റുഡിയോയുടെ ബാനറിൽ എസ് നന്ദഗോപാൽ ആണ് നിർമ്മിച്ചത്. ഈ ചിത്രം കന്നഡ, തെലുങ്കു ഭാഷകളിലേക്ക് റീമേക് ചെയ്തിരുന്നു. അതിനൊപ്പം ഇതിന്റെ ഹിന്ദി റീമേക്കും വരികയാണ്. ഇപ്പോഴിതാ ഈ ചിത്രത്തെ കുറിച്ച് ഒരു പുതിയ കാര്യം വെളിപ്പെടുത്തിയിരിക്കുകയാണ് നായകൻ വിജയ് സേതുപതി.

ബിഹൈന്‍ഡ്‌വുഡ്‌സ് തമിഴിന് നല്‍കിയ അഭിമുഖത്തിലായിരുന്നു വിജയ് സേതുപതി ഈ ചിത്രത്തെ കുറിച്ച് തുറന്നു സംസാരിച്ചത്. ചിത്രത്തിന്റെ ക്ലൈമാക്‌സില്‍ നിന്നും നീക്കം ചെയ്യേണ്ടി വന്ന രംഗത്തെ പറ്റിയാണ് അദ്ദേഹം പറയുന്നത്. ചിത്രത്തിലെ കേന്ദ്ര കഥാപാത്രങ്ങളായ ജാനുവും റാമും എയര്‍പോര്‍ട്ടില്‍ വെച്ച് പിരിയുന്ന ക്ലൈമാക്‌സ് സീനില്‍ ഒരു ലിപ്പ് ലോക്കുണ്ടായിരുന്നു എന്നും, പക്ഷെ സിനിമ കാണാന്‍ വരുന്ന പ്രേക്ഷകര്‍ക്ക്, ഗെറ്റ് ടുഗെദറിന് പോകുമ്പോള്‍ ഇതൊക്കെയാണ് സംഭവിക്കുക എന്ന് തോന്നാന്‍ സാധ്യതയുണ്ട് എന്നുള്ളത് കൊണ്ട്, അത് അവസാന നിമിഷം ഒഴിവാക്കുകയായിരുന്നു എന്നും അദ്ദേഹം വെളിപ്പെടുത്തി. അങ്ങനെ റാം ജാനുവിനെ സിനിമയില്‍ തൊടുകയേ വേണ്ട എന്ന തീരുമാനത്തിലെത്തി എന്നും അദ്ദേഹം പറഞ്ഞു.

Advertisement

Advertisement

Copyright © 2017 onlookersmedia.

Press ESC to close