സൂപ്പർ സംവിധായകൻ എ ആർ മുരുഗദോസ് വീണ്ടും വിജയിയെ നായകനാക്കി സിനിമയെടുക്കാനുള്ള പണിപ്പുരയിലാണ്. 100 കോടി ക്ലബ്ബിൽ ഇടം നേടിയ തുപ്പാക്കിയും കത്തിക്കും ശേഷമാണ് ഇരുവരും വീണ്ടും ഒന്നിക്കുന്നത്. ചിത്രത്തിന്റെ ഷൂട്ടിങ് അടുത്ത വർഷം ജനുവരി 20 ന് ആരംഭിച്ച് ജൂലൈയോടെ പൂർത്തീകരിക്കാനാണ് അണിയറ പ്രവർത്തകരുടെ തീരുമാനം.
വിജയുടെ കരിയറിലെ ഏറ്റവും മികച്ച സിനിമകളിൽ ഒന്നായ കത്തിയുടെ സംവിധായകൻ വീണ്ടും വിജയിയുമായി ഒന്നിക്കുന്നുവെന്ന വാർത്ത അറിഞ്ഞതോടെ ആരാധകർ ഏറെ പ്രതീക്ഷയോടെയാണ് സിനിമയ്ക്കായി കാത്തിരിക്കുന്നത്.
അറ്റ്ലി സംവിധാനം ചെയ്ത മെർസലാണ് വിജയിയുടെ അവസാനമായി പുറത്തിറങ്ങിയ ചിത്രം. തമിഴ്നാട്ടിൽ വമ്പൻ കളക്ഷൻ നേടിയ ചിത്രം ഇപ്പോഴും തിയേറ്ററുകളിൽ പ്രദർശനം തുടരുകയാണ്.
തെലുങ്ക് സൂപ്പർ സ്റ്റാർ മഹേഷ് ബാബു നായകനാക്കി തമിഴിലും തെലുങ്കിലുമായി ഒരുക്കിയ സ്പൈഡർ ആയിരുന്നു മുരുഗദോസിന്റെ പുതിയ ചിത്രം. വമ്പൻ പ്രതീക്ഷയുടെ വന്ന ചിത്രം പക്ഷേ ബോക്സ് ഓഫീസിൽ നിലം പരിശാകുന്ന കാഴ്ചയാണ് കണ്ടത്.
തുപ്പാക്കിയും കത്തിയും പോലെ ഒരു മികച്ച സിനിമ തന്നെ ഈ ടീമിന് വീണ്ടും ചെയ്യാൻ കഴിയുന്ന പ്രതീക്ഷയിൽ കാത്തിരിക്കാം.
