എനിക്ക് അഭിനയിക്കാനൊന്നും അറിയാന്‍ മേല ചേട്ടാ, ഞാന്‍ അഭിനയം നിര്‍ത്താന്‍ പോവാ; കരഞ്ഞു കൊണ്ട് ഉണ്ണി മുകുന്ദൻ; വെളിപ്പെടുത്തി കലാഭവന്‍ ഷാജോണ്‍..!

Google+ Pinterest LinkedIn Tumblr +
Want create site? Find Free WordPress Themes and plugins.

ഇന്ന് മലയാളത്തിലെ തിരക്കുള്ള യുവ താരങ്ങളിൽ ഒരാളാണ് ഉണ്ണി മുകുന്ദൻ. ഒട്ടേറെ ചിത്രങ്ങളുമായി മുന്നോട്ടു നീങ്ങുന്ന ഉണ്ണി മുകുന്ദൻ ഇപ്പോൾ ഒരു നിർമ്മാതാവ് കൂടിയാണ്. ഉണ്ണി മുകുന്ദൻ പ്രൊഡക്ഷൻസിന്റെ ബാനറിൽ അദ്ദേഹം നിർമ്മിച്ച ആദ്യ ചിത്രമായ മേപ്പടിയാൻ മികച്ച വിജയമാണ് നേടിയെടുത്തത്. ഇപ്പോഴിതാ ഈ ചിത്രത്തിന്റെ നൂറാം ദിവസം ആഘോഷിച്ച വേളയിൽ നടൻ കലാഭവൻ ഷാജോൺ പറഞ്ഞ വാക്കുകൾ ആണ് ശ്രദ്ധ നേടുന്നത്. സിനിമാഭിനയം നിര്‍ത്താന്‍ പോകുകയാണെന്ന് ഉണ്ണി മുകുന്ദന്‍ ഒരിക്കൽ തന്നോട് പറഞ്ഞിരുന്നു എന്നാണ് ഷാജോൺ വെളിപ്പെടുത്തുന്നത്. തനിക്ക് അഭിനയിക്കാന്‍ അറിയില്ലെന്നും അഭിനയം നിര്‍ത്താന്‍ പോകുകയാണെന്നും ഉണ്ണി തന്നോട് പറഞ്ഞത് കരഞ്ഞു കൊണ്ടാണെന്നും കലാഭവൻ ഷാജോൺ വെളിപ്പെടുത്തി. മേപ്പടിയാൻ എന്ന ചിത്രത്തിൽ ഒരു പ്രധാന കഥാപാത്രമായി കലാഭവന്‍ ഷാജോണും അഭിനയിച്ചിട്ടുണ്ട്.

ഉണ്ണിയെ ഏറ്റവും കൂടുതല്‍ അടുത്തറിയുന്നത് ഉണ്ണിക്കൊപ്പം അമേരിക്കൻ ഷോക്ക് പോയപ്പോൾ ആണെന്നും, ഇപ്പോൾ ഉണ്ണി നേടുന്ന ഈ വിജയത്തിൽ വളരെയധികം സന്തോഷം ഉണ്ടെന്നും ഷാജോൺ പറയുന്നു. നല്ലൊരു സുഹൃത്ത്, നല്ലൊരു മനുഷ്യന്‍, ഇതാണ് ഉണ്ണി മുകുന്ദൻ എന്നും ഷാജോൺ പറയുന്നു. തങ്ങൾ അമേരിക്കൻ ഷോക്ക് പോയ സമയത്താണ് അഭിനയം നിർത്താൻ പോകുന്നു എന്ന കാര്യം ഉണ്ണി പറഞ്ഞത് എന്നും, ആ സമയത്തു റിലീസ് ചെയ്ത ഉണ്ണിയുടെ ഒരു ചിത്രം വിജയിക്കാതെ പോയതിൽ ഉള്ള വിഷമം ആണ് ഉണ്ണിയെ കൊണ്ട് അത് പറയിച്ചതു എന്നും ഷാജോൺ ഓർത്തെടുക്കുന്നു. എന്നാൽ ഇപ്പോൾ, അടങ്ങാത്ത സ്വപ്‌നങ്ങളും മോഹങ്ങളും ആഗ്രഹങ്ങളുമൊക്കെയായി സിനിമക്ക് പിറകെ നടക്കുന്ന എല്ലാവര്‍ക്കും ഒരു പ്രചോദനമാണ് ഉണ്ണി മുകുന്ദൻ നേടുന്ന ഈ വിജയം എന്നും ഷാജോൺ കൂട്ടിച്ചേർത്തു. നവാഗതനായ വിഷ്ണു മോഹൻ ആണ് ഉണ്ണി മുകുന്ദനെ നായകനാക്കി മേപ്പടിയാൻ ഒരുക്കിയത്.

Did you find apk for android? You can find new Free Android Games and apps.
Share.

About Author