Wednesday, January 19

ആ ദിവസം ലാലേട്ടൻ ഉറക്കം പോലുമൊഴിച്ചു കാത്തിരുന്നു; അത്തരം പ്രവർത്തികൾ വിവരിക്കാൻ വാക്കുകൾ ഇല്ല: ഉണ്ണി മുകുന്ദൻ..!

Google+ Pinterest LinkedIn Tumblr +
Want create site? Find Free WordPress Themes and plugins.

മലയാളത്തിന്റെ യുവ നടൻ ഉണ്ണി മുകുന്ദൻ ഇപ്പോൾ ഒട്ടേറെ പ്രൊജെക്ടുകളുമായി തിരക്കിലാണ്. നായകനായും വില്ലനായും സഹനടനായുമെല്ലാം അഭിനയിക്കുന്ന ഉണ്ണി ഇപ്പോൾ നിർമ്മാതാവായും അരങ്ങേറ്റം കുറിക്കുകയാണ്. ഉണ്ണി മുകുന്ദൻ നായകനായ പുതിയ ചിത്രമായ മേപ്പടിയാൻ ജനുവരി പതിനാലിന് ആണ് റിലീസ് ചെയ്യുക. നവാഗതനായ വിഷ്ണു മോഹൻ ഒരുക്കിയ ഈ ചിത്രം ഉണ്ണി തന്നെയാണ് നിർമ്മിച്ചിരിക്കുന്നത്. ഇതോടൊപ്പം തന്നെ ഉണ്ണി അഭിനയിച്ച ഒട്ടേറെ ചിത്രങ്ങൾ റിലീസിന് തയ്യാറെടുക്കുകയാണ്‌. അതിൽ മലയാളത്തിന്റെ മഹാനടൻ മോഹൻലാൽ നായകനായ രണ്ടു ചിത്രങ്ങളിലും ഉണ്ണി മുകുന്ദൻ അഭിനയിച്ചിട്ടുണ്ട്. പൃഥ്വിരാജ് ഒരുക്കിയ ബ്രോ ഡാഡി എന്ന ചിത്രവും ജീത്തു ജോസഫ് ഒരുക്കിയ 12ത് മാൻ എന്ന ചിത്രവുമാണ് അത്. ജീത്തു ജോസഫ് ചിത്രത്തിന്റെ സെറ്റിൽ വെച്ചായിരുന്നു ഉണ്ണി കഴിഞ്ഞ വർഷം തന്റെ പിറന്നാൾ ആഘോഷിച്ചത്. അതിന്റെ ചിത്രങ്ങൾ വൈറൽ ആയിരുന്നു.

എന്നാൽ ആ ദിവസം ലാലേട്ടന് ഷൂട്ട് ഇല്ലാതെ ഇരുന്നിട്ടും, തനിക്കു ഷൂട്ട് ഉള്ള രാത്രി സമയം വരെ ഉറക്കം പോലും ഒഴിവാക്കി കാത്തിരുന്ന ലാലേട്ടൻ, കേക്കുമായി സെറ്റിൽ വരികയും തന്റെ പിറന്നാൾ ആഘോഷിക്കുകയും ചെയ്തത് ഒരിക്കലും മറക്കാൻ കഴിയില്ല എന്നും, അത്തരം നല്ല പെരുമാറ്റങ്ങളും പ്രവൃത്തികളും ഒരാളിൽ നിന്നുണ്ടാകുമ്പോൾ അതിനെ വിശേഷിപ്പിക്കാൻ വാക്കുകൾ ഇല്ല എന്നും ഉണ്ണി മുകുന്ദൻ പറയുന്നു. സ്വന്തം ചേട്ടനെ പോലെ നമ്മുക്ക് തോന്നിപ്പോകുന്ന വ്യക്തിത്വം ആണ് ലാലേട്ടന്റേത് എന്നും ഉണ്ണി പറഞ്ഞു. ഈ മോഹൻലാൽ- ജീത്തു ജോസഫ് ചിത്രം ഒരു മികച്ച ചിത്രമായി മാറും എന്നാണ് തന്റെ പ്രതീക്ഷ എന്നും, കാരണം വളരെ മികച്ച ഒരു തിരക്കഥയും അതിന്റെ ഏറ്റവും മികച്ച മേക്കിങ്ങും ആണ് തനിക്കു അവിടെ കാണുവാൻ സാധിച്ചത് എന്നും ഉണ്ണി വെളിപ്പെടുത്തി.

Did you find apk for android? You can find new Free Android Games and apps.
Share.

About Author