Sunday, January 23

സന്തോഷ് പണ്ഡിറ്റിനെ പ്രശംസിച്ചു ഉണ്ണി മുകുന്ദൻ രംഗത്ത്..!

Google+ Pinterest LinkedIn Tumblr +
Want create site? Find Free WordPress Themes and plugins.

സ്വന്തമായി ചെറിയ സിനിമകൾ രചിച്ചു സംവിധാനം ചെയ്തു നിർമ്മിച്ച് പുറത്തിറക്കി, ഒരു രീതിയിൽ അല്ലെങ്കിൽ മറ്റൊരു രീതിയിൽ കുപ്രസിദ്ധി നേടിയ ആളാണ് സന്തോഷ് പണ്ഡിറ്റ്. പക്ഷെ പിന്നീട് ഓരോ സാമൂഹിക പ്രശ്നങ്ങളിൽ മുതൽ സിനിമ മേഖലയിലെ പ്രശ്നങ്ങൾ വരെ ഉള്ള കാര്യങ്ങളിൽ എടുത്ത നിലപാടുകളും അഭിപ്രായങ്ങളും ഈ വ്യക്തിയെ പ്രേക്ഷകരുടെ ഇടയിൽ കൂടുതൽ പ്രിയങ്കരൻ ആക്കി മാറ്റി എന്ന് പറയാം. സന്തോഷ് പണ്ഡിറ്റ് പറയുന്നതിൽ കാര്യം ഉണ്ടെന്നു ഏവരും പറയാൻ തുടങ്ങി. അതിനു ശേഷം മുഖ്യധാരാ സിനിമയുടെ ഭാഗമായി കൂടി സന്തോഷ് പണ്ഡിറ്റ് എത്തി. വിനീത് ശ്രീനിവാസന്റെ കൂടെ ഒരു സിനിമാക്കാരൻ എന്ന ചിത്രത്തിൽ അഭിനയിച്ച സന്തോഷ് പണ്ഡിറ്റ് മെഗാ സ്റ്റാർ മമ്മൂട്ടയോടൊപ്പം ഇപ്പോൾ മാസ്റ്റർപീസ് എന്ന ചിത്രത്തിലും അഭിനയിച്ചു കഴിഞ്ഞു. മാസ്റ്റർപീസിൽ നടൻ ഉണ്ണി മുകുന്ദനും അഭിനയിച്ചിരുന്നു.

സന്തോഷ് പണ്ഡിറ്റിനെ പ്രശംസിച്ചു കൊണ്ട് രംഗത്ത് വന്നിരിക്കുകയാണ് ഇപ്പോൾ ഉണ്ണി മുകുന്ദൻ. സന്തോഷ് പണ്ഡിറ്റ് മുത്താണ് എന്നും സന്തോഷിനു ചുറ്റും എപ്പോഴും സന്തോഷം നിറഞ്ഞ ഫീൽ മാത്രമാണ് ഉള്ളതെന്നും ഉണ്ണി മുകുന്ദൻ പറയുന്നു. ശങ്കരൻ കുട്ടി എന്ന കഥാപാത്രത്തെയാണ് സന്തോഷ് പണ്ഡിറ്റ് ഈ ചിത്രത്തിൽ അവതരിപ്പിക്കുന്നത്. കാന്റീൻ ജോലിക്കാരൻ ആണ് ശങ്കരൻ കുട്ടി എന്നാണ് റിപ്പോർട്ടുകൾ പറയുന്നത്. പ്രേക്ഷകരെ പൊട്ടിച്ചിരിപ്പിക്കുന്ന ഒരു കഥാപാത്രമായിരിക്കും ഇതെന്നും റിപ്പോർട്ടുകൾ പറയുന്നു. അജയ് വാസുദേവ് ഒരുക്കിയ ഈ മാസ്സ് ആക്ഷൻ ചിത്രം രചിച്ചത് ഉദയ കൃഷ്ണയും നിർമ്മിച്ചത് സി എച് മുഹമ്മദും ആണ് . ഈ വരുന്ന ഡിസംബർ 21 നു ചിത്രം തീയേറ്ററുകളിൽ എത്തും. മമ്മൂട്ടി എഡ്‌വേഡ്‌ ലിവിങ്സ്റ്റൺ എന്ന കോളേജ് പ്രൊഫെസ്സർ ആയാണ് ഈ ചിത്രത്തിൽ അഭിനയിക്കുന്നത്, ഉണ്ണി മുകുന്ദൻ ജോൺ തെക്കൻ എന്ന പോലീസ് ഓഫീസിൽ ആയും എത്തുന്നു.

Did you find apk for android? You can find new Free Android Games and apps.
Share.

About Author