Sunday, October 2

ദളപതി വിജയ്‌യോട് പൃഥ്വിരാജ് ചോദിയ്ക്കാൻ പോകുന്നത് ഈ ചോദ്യം..!

Google+ Pinterest LinkedIn Tumblr +
Want create site? Find Free WordPress Themes and plugins.

തമിഴകത്തെ ഇന്നത്തെ ഏറ്റവും വലിയ താരം ആരാണെന്ന ചോദ്യത്തിന് ഒരു സംശയവുമില്ലാതെ ഉത്തരം പറയാം, അത് ദളപതി വിജയ് ആണെന്ന്. കഴിഞ്ഞ കുറച്ചു വർഷങ്ങൾ കൊണ്ട് തമിഴിലെ മറ്റുള്ള താരങ്ങളിൽ നിന്ന് ഒരുപാട് മുന്നിലെത്തി കഴിഞ്ഞു വിജയ്. തുടർച്ചയായി വിജയ ചിത്രങ്ങൾ മാത്രം നൽകിയ വിജയ്ക്ക് പരാജയം സംഭവിച്ചത് വളരെ അപൂർവമായി മാത്രം. മികച്ച പ്രതികരണം ലഭിക്കാത്ത ചില ചിത്രങ്ങൾ പോലും വിജയ് എന്ന നടന്റെ വമ്പൻ താരമൂല്യം മൂലം ബോക്സ് ഓഫീസിൽ കോടികൾ കൊയ്തു. ഇപ്പോഴിതാ, മലയാളത്തിന്റെ യുവ സൂപ്പർ താരം പൃഥ്വിരാജ് സുകുമാരന് വിജയ്‌യോട് ചോദിയ്ക്കാൻ ഉള്ളതും അതിനെ കുറിച്ച് തന്നെയാണ്. ഭ്രമം എന്ന പൃഥ്വിരാജ് ചിത്രം ഈ വരുന്ന ഒക്ടോബർ ഏഴിന് ആമസോൺ പ്രൈം റിലീസ് ആയി എത്തുകയാണ്. അതിന്റെ ഭാഗമായി ബോളിവുഡ് ഹംഗാമക്കു നൽകിയ ഓൺലൈൻ അഭിമുഖത്തിലാണ് പൃഥ്വിരാജ് അത് വെളിപ്പെടുത്തിയത്. ദളപതി വിജയ്‌യെ ഒരു ചാറ്റ് ഷോയിൽ മുന്നിൽ കിട്ടിയാൽ പൃഥ്വിരാജ് ചോദിയ്ക്കാൻ ആഗ്രഹിക്കുന്ന ചോദ്യം ഏതാണ് എന്നായിരുന്നു അവതാരകൻ പൃഥ്വിരാജ് സുകുമാരനോട് ചോദിച്ചത്.

അതിനു പൃഥ്വിരാജ് നൽകിയ മറുപടി, വിജയ്‌യുടെ ഇപ്പോഴത്തെ ഈ വിജയത്തിന്റെ രഹസ്യം അല്ലെങ്കിൽ അതിന്റെ മന്ത്രം എന്താണെന്നു ചോദിക്കണം എന്നാണ്. അതിനു കാരണവും പൃഥ്വിരാജ് പറയുന്നുണ്ട്. വിജയ് എന്ന നടൻ വിജയത്തിന്റെ ആ രഹസ്യം കണ്ടെത്തി കഴിഞ്ഞു എന്നും ഒരു ചിത്രത്തിൽ എന്തുണ്ടെങ്കിൽ ആ ചിത്രം ഹിറ്റാകും എന്ന് അദ്ദേഹത്തിന് ഇപ്പോൾ അറിയാമെന്നും പൃഥ്വിരാജ് വിശദീകരിക്കുന്നു. ഒരു കഥ കേൾക്കുമ്പോൾ, അല്ലെങ്കിൽ ഒരു തിരക്കഥ കേൾക്കുമ്പോൾ അതിലെ എന്ത് ഘടകമാണ് ആ ചിത്രത്തെ ഹിറ്റ് ആക്കുന്നതെന്നും അല്ലെങ്കിൽ എന്ത്കൊണ്ട് അത് ഹിറ്റാവില്ല എന്നും വിജയ് എങ്ങനെ മനസിലാക്കുന്നു എന്ന് അദ്ദേഹത്തോട് ചോദിയ്ക്കാൻ ആഗ്രഹം ഉണ്ടെന്നാണ് പൃഥ്വിരാജ് പറയുന്നത്.

Did you find apk for android? You can find new Free Android Games and apps.
Share.

About Author